کرناٹک اسمبلی میں فلور ٹیسٹ کے دوران وزیر اعلیٰ کماراسوامی ناکام ہو گئے ہیں۔ جس کے بعد کماراسوامی کی قیادت والی کانگریس-جے ڈی ایس کی مخلوط حکومت گر گئی ہے۔ اسی کے ساتھ بی جے پی نے کہا ہے کہ اس کی طرف سے کرناٹک میں حکومت سازی کا دعوی پیش کیا جائے گا۔
Published: 23 Jul 2019, 8:10 PM IST
کرناٹک کی جے ڈی ایس-کانگریس مخلوط حکومت کے حق میں 99 ووٹ ڈالے گئے جبکہ اس کی مخالفت میں 105 ووٹ پڑے۔ واضح رہے کہ تحریک اعتماد آج کرناٹک کے وزیر اعلیٰ ایچ ڈی کمارسوامی کی طرف سے پیش کی گئی تھی۔
Published: 23 Jul 2019, 8:10 PM IST
اسمبلی اسپیکر نے کانگریس کے 12 باغی ارکان اسمبلی کو منگل کے روز 11 بجے حاضر ہونے کے لئے سمن کیا تھا لیکن انہوں نے نجی وجوہات کا حوالہ دے کر بنگلورو آنے سے معذرت کی اور ملاقات کے لئے چار ہفتوں کا وقت طلب کیا۔
Published: 23 Jul 2019, 8:10 PM IST
دو آزاد امیدواروں آر شنکر اور ایچ گنیش نے 8 جولائی کو وزیر کے عہدے سے استعفی دیتے ہوئے مخلوط حکومت سے حمایت واپس لے لی اور بی جے پی کے خیمہ میں شامل ہو گئے۔ اس کے بعد بی جے پی اتحاد کے پاس 107 ارکار ہو گئے ہیں جن میں سے اس کے اپنے 105 ارکان اسمبلی ہیں۔
Published: 23 Jul 2019, 8:10 PM IST
کماراسوامی کی حکومت گر جانے کے بعد بی جے پی کے خیمہ میں خوشی کی لہر نظر آئی۔ اسمبلی کے باہر بی جے پی کارکنان نے جشن منایا۔ ادھر ایوان میں سابق وزیر اعلیٰ اور بی جے پی کے لیڈر بی ایس یدی یورپا وکٹری سائن (جیت کا نشان) دکھاتے نظر آئے۔ ان کے ساتھ بی جے پی کے تمام ارکان اسمبلی موجود تھے۔
Published: 23 Jul 2019, 8:10 PM IST
اس سے پہلے کماراسوامی کی قیادت والی مخلوط حکومت کے اعتماد کو ثابت کرنے کے لئے اسمبلی کی کارروائی منگلی کی شام تک جاری رہی۔ ایوان میں تحریک اعتماد پر طویل بحث ہوئی۔ بحث کے بعد فلور ٹیسٹ ہوا جس میں مخلوط حکومت ناکام رہی۔ اس سے قبل وزیر اعلیٰ نے 18 جولائی کو اپنی تحریک اعتماد پر جواب دیا تھا۔
Published: 23 Jul 2019, 8:10 PM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 23 Jul 2019, 8:10 PM IST
تصویر: محمد تسلیم