جھارکھنڈ کے وزیر اعلیٰ ہیمنت سورین نے آزادی کی 75ویں سالگرہ کے موقع پر آج رانچی واقع مورہابادی میدان میں پرچم کشائی کی۔ اس دوران انھوں نے ریاست کے نوجوانوں کو مقابلہ جاتی امتحانات کی تیاری کے لیے مفت کوچنگ اور حوصلہ افزائی بھتہ دینے کے لیے وزیر اعلیٰ سارتھی منصوبہ لانے کا اعلان کیا۔
Published: undefined
پرچم کشائی کے بعد موجود عوام سے خطاب کرتے ہوئے وزیر اعلیٰ سورین نے کہا کہ ہماری حکومت نوجوانوں کے روزگار اور عزت نفس کو توجہ میں رکھتے ہوئے اہم قدم اٹھا رہی ہے۔ انھوں نے وزیر اعلیٰ سارتھی منصوبہ آئندہ 15 نومبر سے نافذ کرنے کا اعلان کرتے ہوئے کہا کہ اس کا مقصد نوجوانوں کو مقابلہ جاتی امتحانات کے لیے اہل بنانا ہے۔ معاشی مسائل کی وجہ سے ان کی تیاریاں اب رخنہ انداز نہیں ہوں گی۔ انھوں نے مزید کہا کہ ملک کے مشہور اداروں میں پیسے کی کمی کے سبب طلبا کی پڑھائی نہ رکے، اس کے لیے ہم ’گروجی-اسٹوڈنٹ کریڈٹ کارڈ‘ منصوبہ لے کر آ رہے ہیں۔
Published: undefined
وزیر اعلیٰ نے وعدہ کیا کہ آئندہ چھ ماہ کے اندر ریاست کے سرکاری اسکولوں میں اساتذہ اور تجربہ گاہ کے معاونین کے 37 ہزار عہدوں پر تقرریاں کی جائیں گی۔ اعلیٰ تعلیم کو بہتر اور آسان بنانے کے لیے جھارکھنڈ اوپن یونیورسٹی اور پنڈت رگھوناتھ مرمو قبائلی یونیورسٹی میں 2716 عہدوں پر جے پی ایس سی کے ذریعہ بحالی کی جائے گی۔ وزیر اعلیٰ نے روزگار میں مقامی نوجوانوں کو ترجیح دینے کا عزم دہراتے ہوئے کہا کہ پرائیویٹ سیکٹرس میں بھی 40 ہزار تک کی تنخواہ والے عہدوں میں 75 فیصد عہدے مقامی لوگوں کے لیے محفوظ ہوں گے۔ اس کے لیے حکومت نے ’جھارکھنڈ ریاست کے پرائیویٹ سیکٹر میں مقامی امیدواروں کی تقرری ایکٹ 2021‘ تشکیل دی ہے۔
Published: undefined
سرکاری ملازمین کے لیے پرانی پنشن بحال کرنے کا وعدہ دہراتے ہوئے وزیر اعلیٰ سورین نے کہا کہ اس سلسلے میں کابینہ سے تجویز بھی پاس ہو چکی ہے۔ ایس او پی بنانے کا عمل آگے بڑھ رہا ہے اور جلد ہی اسے مکمل طور پر نافذ کر دیا جائے گا۔ انھوں نے کہا کہ معدنیاتی وسائل سے بھرے اور امکانات سے پُر ہماری ریاست میں ترقی کو رفتار دینے کے لیے نئی پالیسیاں بنائی گئی ہیں۔ فوڈ پروسیسنگ، قابل تجدید توانائی، لاجسٹکس، معدنیات اور لباس پر مبنی صنعت پر خصوصی طور سے توجہ مرکوز کی گئی ہے۔ انھوں نے کہا کہ حکومت کے ذریعہ ریاست کو ٹورسٹ ڈیسٹنیشن کی شکل میں قائم کرنے کے لیے نئی سیاحتی پالیسی 2021 نوٹیفائیڈ کی گئی ہے۔ اس میں ریاست میں سیاحتی سیکٹر میں سرمایہ کاری پر مختلف طرح کی حوصلہ افزائی کا التزام ہے۔
Published: undefined
زراعتی ترقی اور کسانوں کی خوشحالی کے لیے حکومت کے ذریعہ اٹھائے جا رہے اقدام کا تذکرہ کرتے ہوئے سورین نے کہا کہ زرعی قرض کے بوجھ سے دَبے ریاست کے چھوٹے اور سرحدی کسانوں کو راحت پہنچانے کے لیے سال 2020 سے جھارکھنڈ ریاستی زرعی قرض معافی منصوبہ چلایا جا رہا ہے۔ اس کے تحت اب تک مجموعی طور پر 1529 کروڑ رپوے کی رقم 383102 کسانوں کے اکاؤنٹ میں ٹرانسفر کی گئی ہے۔ کسانوں کو معاشی مدد فراہم کرنے کے لیے اب تک 4 لاکھ 28 ہزار نئے کے سی سی درخواست منظور کرتے ہوئے 1583 کروڑ کی رقم منظور کی گئی ہے۔ کسانوں کی تربیت کے لیے ’برسا گرامین وکاس یوجنا کم-کرشک پاٹھ شالہ‘ کی شروعات کی گئی ہے۔ حکومت کے ذریعہ کسانوں کو معیاری بیج 50 فیصد گرانٹ پر دستیاب کرایا جا رہا ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: پریس ریلیز