نتیش کمار کی پارٹی جے ڈی یو نے اعلان کیا ہے کہ وہ مودی کی قیادت والی این ڈی اے حکومت کی طرف سے راجیہ سبھا میں لائے جانے والے طلاق ثلاثہ بل کی مخالفت کرے گی، جے ڈی یو کے سینئر لیڈر اور بہار کے وزیر شیام رجک نے گزشتہ روز جمعرات کو پٹنہ میں کہا، "جے ڈی یو طلاق ثلاثہ کے خلاف ہے اور ہم اس کے خلاف مسلسل کھڑے رہیں گے"۔
Published: undefined
انہوں نے کہا کہ طلاق ثلاثہ ایک سماجی مسئلہ ہے اور اسے سماجی سطح پر ہی معاشرے کی طرف سے حل کیا جانا چاہیے، رجک نے کہا کہ جے ڈی یو نے راجیہ سبھا میں طلاق ثلاثہ بل کے خلاف ووٹ دیا تھا، اس سے پہلے بھی نتیش کمار نے عوامی طور پر طلاق ثلاثہ بل کی مخالفت کی تھی۔
Published: undefined
طلاق ثلاثہ کے معاملے پر نتیش کمار نے ہفتے کے آغاز میں اپنا رخ دہراتے ہوئے کہا تھا کہ آرٹیکل 370 کو ہٹانے، یکساں سول کوڈ نافذ کرنے اور ایودھیا میں عالی شان رام مندر کی تعمیر کرنے کے معاملے یا تو بات چیت کے ذریعے سلجھائے جائیں یا عدالت کے حکم کے ذریعے۔
Published: undefined
نتیش نے کہا تھا کہ "یہ ہمارا خیال ہے کہ آرٹیکل 370 ختم نہیں کیا جانا چاہیے، اسی طرح یکساں سول کوڈ کسی کے اوپر زبردستی نہیں تھوپا جانا چاہیے اور ایودھیا میں رام مندر کا مسئلہ یا تو بات چیت کے ذریعے حل کیا جائے یا عدالتی حکم پر کیا جانا چاہیے"۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم
تصویر: سوشل میڈیا