جامعہ نے شہید بریگیڈیئر محمد عثمان کوخراج عقیدت پیش کیا

جامعہ ملیہ اسلامیہ (جے ایم آئی) کے قبرستان میں آج بریگیڈیئر محمد عثمان ایم وی سی کی یاد میں گلہائے عقیدت پیش کئے گئے۔ 50ویں پیرا بریگیڈ اور 10ویں ڈوگرہ رجمنٹ نے ان کے لیے پھول چڑھانے کی تقریب کا اہتمام کیا تھا۔ جامعہ ملیہ اسلامیہ کے وائس چانسلر پروفیسر مظہر آصف اور جے ایم آئی کے رجسٹرار پروفیسر محمد مہتاب عالم رضوی نے حب الوطنی ، شجاعت اور ملک کی بے لوث خدمت کی علامت بننے والے اس بہادر افسر کو خراج عقیدت پیش کیا۔

اس موقع پر پروفیسر آصف اور پروفیسر رضوی کے ساتھ پروفیسر اقتدار محمد خان اور جے ایم آئی کے دیگر افسران بھی اپنے ہیرو کو خراج عقیدت پیش کرنے کے لیے بہ نفس نفیس موجود تھے۔ محمد عثمان ایم وی سی پیرا بریگیڈ نے پاکستانی قبائلی قوتوں کے خلاف نوشہرہ قصبے بڑی کامیابی سے دفاع کیا اور جھنگر کے قصبے پر مردانہ وار مقابلہ کرتے ہوئے دوبارہ قبضہ کر لیا۔

شہید بریگیڈیئر محمد عثمان جنہیں ' نوشہرہ کا محافظ' بھی کہا جاتا ہے ، وہ 1947-48 میں پاکستان کے ساتھ جنگ کے دوران جھنگر اور نوشہرہ (جموں و کشمیر) پر دوبارہ قبضہ کرنے والے ہیرو تھے۔ گیلنٹ آفیسر 3 جولائی ، 1948کو شہید ہوگئے جب نوشہرہ میں دشمن کا ایک گولہ ان کے قریب آگرا۔