دبئی: دبئی کے الرشيديہ علاقے میں کل شام کو ایک مسافر بس کے حادثہ کا شکار ہونےسے 12 ہندوستانی شہریوں سمیت کم از کم 17 لوگوں کی موت ہو گئی۔ بس میں مختلف ممالک کے کل 31 مسافر سوار تھے۔ موصولہ رپورٹ کے مطابق اس حادثے میں زخمی چار ہندوستانی شہریوں کو راشد اسپتال میں علاج کے بعد فارغ کر دیا گیا۔
Published: 07 Jun 2019, 8:10 PM IST
دبئی میں ہندوستان کے قونصلر جنرل ویپل نے اس حادثے میں 12 ہندوستانی شہریوں کے مرنے کی تصدیق کی ہے۔ انہوں نے خلیج ٹائمز سے کہا کہ ’’ہم اس حادثے میں کل 12 ہندوستانی شہریوں کی موت کی تصدیق کرتے ہیں۔ ہماری ٹیمیں دبئی حکومت کے متعلقہ محکموں کے رابطے میں ہیں تاکہ جلد سے جلد کاغذی کارروائی مکمل کی جا سکے۔‘‘
Published: 07 Jun 2019, 8:10 PM IST
انہوں نے کہا کہ لاشوں کو واپس لانے کی کارروائی ایک دو دن میں شروع ہوگی۔ اسپتال میں فی الحال دو لوگوں کا علاج جاری ہے جبکہ شدید زخمی چھ دیگر لوگوں کی شناخت ابھی تک نہیں کی جا سکی ہے۔ مرنے والوں کے لواحقین دبئی پولس فورنسک سیکشن میں لاشوں کی شناخت کر رہے ہیں۔
Published: 07 Jun 2019, 8:10 PM IST
اس دوران وزیر خارجہ ایس جے شنكر نے دبئی بس حادثے میں 12 ہندوستانیوں کی موت پر گہرے رنج و غم کا اظہار کیا ہے اور ہندوستانی مشن کی جانب سے مرنے والوں کے اہل خانہ کو مکمل مدد دینے کا یقین دلایا ہے۔
Published: 07 Jun 2019, 8:10 PM IST
شنكر نے ٹویٹ کر کے کہا کہ ’’دبئی کے المناک بس حادثے سے بہت رنجیدہ ہوں جس میں 12 ہندوستانیوں کی جانیں چلی گئی ہیں۔ ان کے خاندان کے تئیں گہری تعزیت کا اظہار کرتا ہوں۔ دبئی میں واقع ہندوستانی قونصلیٹ جنرل اور سفارت خانہ ان کی مدد کر رہا ہے۔‘‘
Published: 07 Jun 2019, 8:10 PM IST
Published: 07 Jun 2019, 8:10 PM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 07 Jun 2019, 8:10 PM IST