یوم آزادی کے پیش نظر دہلی، نوئیڈا، گروگرام، فریدآباد اور غازی آباد کے لیے جاری ہوئی ٹریفک ایڈوائزری

قومی راجدھانی دہلی میں 15 اگست کو یومِ آزادی کے مرکزی پروگرام کا انعقاد کیا جائے گا۔ ملک کے وزیر اعظم نریندر مودی لال قلعہ سے قوم کو خطاب کریں گے۔ اس تعلق سے دہلی-این سی آر میں ٹریفک ایڈوائزری جاری کر دی گئی ہے۔ دہلی ٹریفک پولیس کی جانب سے ڈرائیوروں کے لیے یہ ایڈوائزری جاری کی گئی ہے۔ اس میں بتایا گیا ہے کہ کئی جگہوں پر جمعرات کی رات سے ہی کئی سڑکیں بند کر دی جائیں گی، جبکہ کچھ جگہوں پر جمعہ کو صبح 6 بجے سے ڈائیورزن نافذ ہوگا۔

دہلی ٹریفک پولیس نے جمعہ (15 اگست 2025) کو چھترسال اسٹیڈیم میں منعقد ہونے والی یوم آزادی کی تقریبات کے حوالے سے ٹریفک ایڈوائزی جاری کی ہے۔ دہلی کی وزیر اعلیٰ اس تقریب کے دوران قومی پرچم لہرائیں گی۔ بڑی تعداد میں لوگوں کے آنے کی امید ہے، جس کے سبب صبح 6 بجے سے آس پاس کے علاقوں میں ٹریفک متاثر ہوگی۔

بند رہیں گی یہ سڑکیں:

• نیتا جی سبھاش مارگ - دہلی گیٹ سے چھتا ریل چوک۔

• لوتھیان روڈ - جی پی او سے فاؤنٹین چوک۔

• ایس پی مکھرجی مارگ - یمنا بازار سے لال قلعہ۔

• چاندنی چوک روڈ - فاؤنٹین چوک سے لال قلعہ۔

• نشاد راج مارگ - رنگ روڈ سے نیتا جی سبھاش مارگ۔

ان سڑکوں پر جانے سے بچیں:

• آئی ایس بی ٹی سے راج گھاٹ تک رنگ روڈ۔

• وزیرآباد سے آئی ٹی او تک۔

• باہری رنگ روڈ آئی ٹی او سے لال قلعہ تک وکاس مارگ ۔

• نظام الدین بِرج سے آئی ایس بی ٹی تک مہاتما گاندھی مارگ۔

دہلی حکومت کی یوم آزادی کی تقریبات کے لیے ایڈوائزری بھی جاری کر دی گئی ہے۔

ان جگہوں پر ہوگا ڈائیورزن:

• حقیت نگر نالہ روڈ۔

• کنگز وے کیمپ چوک۔

• بھاما شاہ چوک پر یو ٹرن۔

• ماڈل ٹاؤن-2، ماڈل ٹاؤن-3 پوائنٹ۔

• نانک پیاؤ گرودوارہ۔

• اسٹیڈیم روڈ، جی ٹی کے روڈ ٹی پوائنٹ۔

ان سڑکوں پر جانے سے بچیں:

• مال روڈ (چھترسال اسٹیڈیم سے متصل رنگ روڈ)۔

• اسٹیڈیم روڈ۔

• برہما کماری مارگ۔

• بھاما شاہ روڈ۔

• پرانا جی ٹی کرنال روڈ۔

فرید آباد کے لیے ٹریفک ایڈوائزری:

فرید آباد میں  14 اگست کی رات 10 بجے سے 15 اگست کی دوپہر 2 بجے تک دہلی کی طرف بھاری گاڑیوں کے داخلے پر مکمل پابندی رہے گی۔ پابندی شدہ راستوں میں بدر پور بارڈر، پرہلاد پور، کرنی سنگھ شوٹنگ رینج، سورج کنڈ گول چکر، درگا بلڈر، منگر چوکی ناکہ، ڈیرہ فتح پور، سیکٹر 30 موڑ، دہلی-ممبئی ایکسپریس وے، سیکری، پلول روڈ اور ایلسن جے سی بی چوک وغیرہ شامل ہیں۔

گروگرام کے لیے ٹریفک ایڈوائزری:

گروگرام میں 14 اگست کی شام 5 بجے سے 15 اگست کو دوپہر 1:30 بجے تک دہلی میں یوم آزادی کی تقریبات کے لیے ٹریفک پابندیاں نافذ رہیں گی۔ دہلی کی طرف جانے والی تمام سڑکوں پر جانے سے گریز کریں۔ ڈرائیوروں کو مشورہ دیا جاتا ہے کہ وہ دوسری ریاستوں یا اضلاع کا سفر کرتے ہوئے کے ایم پی ایکسپریس وے کا استعمال کریں اور گاڑیاں صرف مخصوص جگہوں پر ہی کھڑی کریں۔

نوئیڈا کے لیے ٹریفک ایڈوائزری:

• چلّا ریڈ لائٹ (بارڈر) سے دہلی ریاست میں داخل ہوکر دوسری جگہ جانے والی گاڑیاں چلّا ریڈ لائٹ سے یو ٹرن لے کر نوئیڈا-گریٹر نوئیڈا ایکسپریس وے سے ایسٹرن پیریفرل ایکسپریس وے سے اپنی منزل کی طرف جا سکیں گے۔ ڈی این ڈی (بارڈر) سے دہلی ریاست میں داخل ہوکر دوسری جگہ جانے والی گاڑیاں ڈی این ڈی ٹول پلازہ سے یو ٹرن لے کر نوئیڈا-گریٹر نوئیڈا ایکسپریس وے سے ایسٹرن پیریفرل ایکسپریس وے سے اپنی منزل کی طرف جا سکیں گے۔

• کالندی کنج یمنا (بارڈر) سے دہلی ریاست میں داخل ہوکر دوسری جگہ جانے والی گاڑیوں کو یمنا ندی سے پہلے انڈر پاس تراہے سے ڈائیورٹ کیے جائیں گے، جو نوئیڈا-گریٹر نوئیڈا ایکسپریس وے کے ذریعے ایسٹرن پیریفرل ایکسپریس وے کے ذریعے اپنی منزل کی طرف جا سکیں گے۔

• یمنا ایکسپریس وے سے نوئیڈا-گریٹر نوئیڈا ایکسپریس وے کے ذریعے دہلی کی جانب جانے والی گاڑیاں زیرو پوائنٹ سے پری چوک، پی-3، کاسنا، سرسا سے ایسٹرن پیریفرل ایکسپریس وے سے اپنی منزل کی طرف جا سکیں گے۔ پری چوک سے نوئیڈا-گریٹر نوئیڈا ایکسپریس وے ہوکر دہلی جانے والی گاڑیاں پری چوک سے پی-3، کاسنا، سرسا سے ایسٹرن پیریفرل ایکسپریس وے سے اپنی منزل کی طرف جا سکیں گے۔

غازی آباد کے لیے ٹریفک ایڈوائزری:

دہلی میں این ایچ-9 سے یوپی گیٹ ہوتے ہوئے تمام قسم کی تجارتی گاڑیوں کے داخلے پر مکمل پابندی ہوگی۔ ڈابر تِراہا سے مہاراج پور ہوتے ہوئے دہلی میں تمام قسم کی تجارتی گاڑیوں کے داخلے پر مکمل پابندی ہوگی۔ موہن نگر سے سیما پوری کے راستے دہلی میں تمام قسم کی تجارتی گاڑیوں کے داخلے پر مکمل پابندی ہوگی۔ بھوپورہ بارڈر سے دہلی میں تمام قسم کی تجارتی گاڑیوں کے داخلے پر مکمل پابندی ہوگی۔ لونی بارڈر سے دہلی میں تمام قسم کی تجارتی گاڑیوں کے داخلے پر مکمل پابندی ہوگی۔ میرٹھ ضلع کے کاشی ٹول پلازہ سے غازی آباد کی طرف اور بھوجپور انٹری/کالج، انٹری پوائنٹ سے دہلی کی طرف تمام قسم کی تجارتی گاڑیوں کے داخلے پر مکمل پابندی ہوگی۔ پشتہ کھجوری مارگ سے دہلی کی طرف تمام قسم کی تجارتی گاڑیوں کی آمد و رفت پر مکمل پابندی ہوگی۔ سوریہ نگر بارڈر سے دہلی کی طرف تمام قسم کی ہلکی/درمیانی/بھاری تجارتی گاڑیوں کی آمد و رفت پر مکمل پابندی ہوگی۔