کانگریس نے 26 جنوری سے 25 مارچ تک چلنے والی ’ہاتھ سے ہاتھ جوڑو‘ مہم کی تفصیل آج ایک پریس کانفرنس کے دوران پیش کی۔ اس دوران بتایا گیا کہ ’ہاتھ سے ہاتھ جوڑو‘ مہم کا پبلک ڈائیلاگ پروگرام ’بھارت جوڑو یاترا‘ کی کامیابی کی وسیع شکل ہوگی۔ پریس کانفرنس سے خطاب کرتے ہوئے مہم کے کانگریس انچارج ڈاکٹر مدن موہن جھا نے بتایا کہ ’’ہاتھ سے ہاتھ جوڑو مہم بلاک سطح پر افتتاحی میٹنگ کے ساتھ شروع کیا جائے گا۔ دو ماہ کے پروگرام میں کانگریس کارکنان بوتھ سطح تک دہلی کے باشندوں سے رابطہ کریں گے اور ڈور ٹو ڈور رابطہ کے ذریعہ بھارت جوڑو یاترا کے اصل پیغام کو دہلی باشندوں تک پہنچائیں گے۔‘‘
Published: undefined
ڈاکٹر مدن موہن جھا نے بتایا کہ ہاتھ سے ہاتھ جوڑو مہم تین سطح پر چلائی جائے گی۔ (1) بلاک سطح، (2) ضلع سطح، اور (3) ریاستی سطح۔ ریاستی سطح پر ایک عظیم الشان تقریب کا اہتمام کیا جائے گا جس میں کانگریس کی اعلیٰ قیادت بھی خطاب کرے گی۔ ہاتھ سے ہاتھ جوڑو مہم میں علاقہ وار ریاست کے سبھی سابق اراکین پارلیمنٹ، ضلع صدور، کانگریس کمیٹی و دہلی ریاستی کانگریس کے عہدیداران، بلاک صدور، ضلع کوآرڈنیٹرس، سابق اراکین اسمبلی، میونسپل کونسلر، سابق میونسپل کونسلر سمیت ہر بوتھ کے کارکنان ترجیحی بنیاد پر حصہ لیں گے۔
Published: undefined
اس موقع پر کمیونکیشن ڈپارٹمنٹ کے چیئرمین اور سابق رکن اسمبلی انل بھاردواج نے کہا کہ بھارت جوڑو یاترا کی کامیابی کو آگے بڑھاتے ہوئے 26 جنوری کو ہاتھ سے ہاتھ جوڑو پروگرام کی شروعات کی جائے گی۔ انھوں نے مزید کہا کہ ہاتھ سے ہاتھ جوڑو مہم کے تحت یوتھ کانگریس، این ایس یو آئی پورے بلاک میں بائک ریلی کا انعقاد بھی کرے گی۔ اس مہم کی تشہیر کے لیے سوشل میڈیا پلیٹ فارمس ٹوئٹر، فیس بک، انسٹاگرام، یوٹیوب، واٹس ایپ وغیرہ سبھی ذرائع کا استعمال کیا جائے گا۔
Published: undefined
بھارت جوڑو یاترا کے کوآرڈنیٹر و دہلی کے سابق وزیر ڈاکٹر نریندر ناتھ نے بھی پریس کانفرنس سے خطاب کیا۔ انھوں نے کہا کہ ’’ہمارے لیڈر راہل گاندھی 30 جنوری کو کشمیر میں پرچم لہرا کر بھارت جوڑو یاترا کا اختتام کریں گے۔ اس عظیم الشان پیدل یاترا کو پوری دہلی میں ہر گھر تک پہنچایا جائے گا۔‘‘ ساتھ ہی انھوں نے کہا کہ ’’ہاتھ سے ہاتھ جوڑو مہم کے تحت دہلی کے ہر گھر تک بھارت جوڑو یاترا کے پیغام کو پہنچایا جائے گا، کیونکہ ایک طے پروگرام کے سبب راہل گاندھی جی کی بھارت جوڑو یاترا پورے علاقہ کا احاطہ نہیں کر سکتی۔ ہاتھ سے ہاتھ جوڑو مہم میں خاص توجہ نوجوانوں پر دی جائے گی۔‘‘
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: بشکریہ محمد تسلیم
تصویل: کانگریس میڈیا ڈپارٹمنٹ
تصویر: پریس ریلیز
تصویر: بشکریہ محمد تسلیم