ویکسین کی دہلی میں تو ضرورت نہیں! کورونا کے پیر کو صرف 384 نئے معاملے اور12 اموات

کورونا ویکسین کی خبر کیا آنا شروع ہوئی دہلی سے کورونا نے دبے پاؤں جانا شروع کر دیا ۔ دہلی کے محکمہ صحت کی جانب سے جاری بلیٹن کے مطابق کل صرف 384 نئے معاملے سامنے آئے جس کے بعد دہلی میں متاثرین کی کل تعداد 627256 تک پہنچ گئی ہے جبکہ مزید 727 مریضوں کے صحت مند ہونے سے کورونا سے نجات پانے والوں کی تعداد بڑھ کر 611970 ہوگئی۔ راجدھانی میں مریضوں کے صحت مند ہونے کی شرح بڑھ کر 97.56 فیصد پہنچ گئی ہے۔

راجدھانی دہلی میں گزشتہ 24 گھنٹوں کے دوران نئے معاملوں کے مقابلے صحت مند ہونے والوں کی تعداد زیادہ ہونے سے سرگرم معاملوں میں کمی درج کی گئی ہے جو اب 4600 کے قریب پہنچ گئی ہے۔ راحت کی ایک اور بات یہ ہے کہ راجدھانی میں مریضوں کے صحت مند ہونے کی شرح بڑھ کر 97.56 فیصد پہنچ گئی ہے جو قومی اوسط 96.19 فیصد سے زیادہ ہے۔

دلی میں پیر کو سرگر معاملے مزید 355 کم ہوکر اب 4689 رہ گئے ہیں۔ راجدھانی میں صحت مند ہونے والوں کی تعداد میں اضافہ ہونے سے سرگرم معاملوں میں کمی درج کی گئی ہے۔

اس دوران 12 اور مریضوں کی موت ہونے سے مرنے والوں کی تعداد 10597 تک پہنچ گئی ہے۔ راجدھانی میں اموات کی شرح 1.69 فیصد رہ گئی ہے۔ اموات کے معاملے میں پورے ملک میں دلی چوتھے مقام پر ہے۔

راجدھانی میں گزشتہ 24 گھنٹوں کے دوران 50288 نمونوں کی جانچ کی گئی۔ اس کے ساتھ ہی اب تک ہوئی جانچ کی تعداد بڑھ کر 89.3 لاکھ سے زیادہ ہوگئی ہے۔ ہر دس لاکھ آبادی پر جانچ کی اوسط 469831 ہے۔