لکھنؤ: جھارکھنڈ اور آسام کے سابق گورنر سید سبط رضی کا ہفتہ کے روز لکھنؤ میں انتقال ہو گیا۔ وہ دل کے عارضے میں مبتلا تھے اور کنگ جارج میڈیکل کالج کے ٹراما سینٹر میں زیر علاج تھے۔ وہ ضعیف العمری سے متعلق کئی بیماریوں میں مبتلا تھے۔
Published: undefined
کانگریس سے وابستہ سید سبط رضی 7 مارچ 1939 کو اتر پردیش میں کانگریس کے گڑھ رائے بریلی میں پیدا ہوئے تھے۔ رائے بریلی کے حسین آباد ہائر سیکنڈری اسکول سے دسویں جماعت مکمل کرنے کے بعد، انہوں نے شیعہ کالج میں تعلیم حاصل کرتے ہوئے طلبہ سیاست کا آغاز کیا۔ انہوں نے لکھنؤ یونیورسٹی سے بی کام کیا۔
Published: undefined
سبط رضی تین مرتبہ راجیہ سبھا کے رکن رہے۔ انہوں نے پہلی مرتبہ 1980 سے 1985 تک، دوسری مرتبہ 1988 سے 1992 تک اور تیسری مرتبہ 1992 سے 1998 تک راجیہ سبھا کے رکن کی حیثیت سے فرائض انجام دیئے۔
Published: undefined
ان کے جاننے والے بتاتے ہیں کہ پڑھائی کے ساتھ وہ جیب خرچ نکالنے کے لیے کئی ہوٹلوں کا حساب کتاب بھی دیکھتے تھے۔ وہ اتر پردیش کانگریس یوتھ کانگریس کے صدر اور پردیش کانگریس کمیٹی کے جنرل سکریٹری سمیت پارٹی میں کئی تنظیمی عہدوں پر فائز رہ چکے تھے۔
Published: undefined
کانگریس پارٹی سے وابستہ متعدد لیڈران نے سید سبط رضی کے انتقال پر گہرے دکھ کا اظہار کیا ہے۔ جھارکھنڈ کے وزیر صحت بنا گپتا اور جھارکھنڈ پردیش کانگریس کے صدر راجیش ٹھاکر نے سید سبط رضی کے انتقال پر تعزیت کا اظہار کیا ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined