سری نگر: جموں وکشمیر کے گرمائی دارالحکومت سری نگر کے ڈل گیٹ علاقے میں منگل کے روز سینٹرل ریزرو پولیس فورس (سی آر پی ایف) کے دو اہلکار آپسی لڑائی میں مارے گئے۔ سی آر پی ایف کے پی آر او پنکج سنگھ نے یو این آئی اردو کو بتایا کہ آپسی لڑائی یا برادر کشی کا یہ ’بدقسمت واقعہ‘ ڈل گیٹ میں واقع سی آر پی ایف کی واٹر ونگ کیمپ میں پیش آیا ہے۔
Published: undefined
انہوں نے کہا ’’181 بٹالین سے وابستہ دو سی آر پی ایف اہلکاروں نے منگل کی سہ پہر قریب چار بجے ایک دوسرے پر گولیاں چلائیں جس کے نتیجے میں دونوں اہلکار شدید طور پر زخمی ہوئے۔ انہیں فوری طور پر قریبی طبی مرکز لے جایا گیا جہاں ڈاکٹروں نے انہیں مردہ قرار دیا۔‘‘
Published: undefined
سی آر پی ایف کے پی آر او نے مہلوک اہلکاروں کی شناخت کانسٹیبل جالا وجے سنگھ اور سیجو پی کے کے طور پر ہوئی ہے۔ انہوں نے مزید کہا کہ 'معاملے کی تحقیقات شروع ہوچکی ہیں۔ یہ ہمارے لئے بہت بری خبر ہے۔ زندگی بہت قیمتی ہوتی ہے'۔
Published: undefined
بتادیں کہ وادی کشمیر میں تعینات فوجیوں اور نیم فوجیوں میں خودکشی کے علاوہ آپس کی لڑائی یا برادر کشی کے واقعات میں اضافہ دیکھا جا رہا ہے۔ 1990 میں شروع ہونے والی مسلح شورش کے دوران ایسی کئی وارداتیں رونما ہوئیں جن میں افسروں سمیت درجنوں فوجی مارے گئے۔
Published: undefined
سرکاری اعداد وشمار کے مطابق گزشتہ ایک دہائی کے دوران فوج کی طرف سے اپنے ہی ساتھیوں کو مارنے کے 28 سے 30 واقعات جبکہ بھارتی فضائیہ میں دو واقعات پیش آچکے ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم
تصویر: سوشل میڈیا