کسان تنظیموں کی شیوراج سے ملاقات

مختلف ریاستوں سے آئی کئی کسان تنظیموں اور کسانوں نے منگل کو دارالحکومت میں زراعت اور کسانوں کی فلاح و بہبود اور دیہی ترقی کے وزیر شیوراج سنگھ چوہان سے ملاقات کی اور وزیر اعظم نریندر مودی کے غیر ملکی تجارت میں ملک کے کسانوں کے مفاد میں مضبوط فیصلے کی حمایت اور شکریہ ادا کیا۔

وزیر اعظم نے حال ہی میں بہت سختی سے کہا تھا، "ہمارے لئے، اپنے کسانوں کا مفاد ہماری اولین ترجیح ہے۔ ہندوستان ہمارے کسانوں، مویشیوں پالنے والوں اور ماہی گیر بھائیوں اور بہنوں کے مفادات سے کبھی بھی سمجھوتہ نہیں کرے گا۔ میں ذاتی طور پر جانتا ہوں کہ مجھے بہت بڑی قیمت چکانی پڑے گی، لیکن میں اس کے لیے تیار ہوں۔"

 وزیر اعظم کے ان خیالات کی حمایت میں آج مختلف ریاستوں سے کسان اور کسان تنظیموں کے عہدیدار دہلی پہنچے اور سبرامنیم ہال، پوسا کیمپس میں شیوراج سنگھ چوہان کے ذریعہ ’کسانوں کے ساتھ سمواد‘ کے دوران وزیر اعظم مودی کے سخت فیصلے پر اظہار تشکر کیا۔ کسان تنظیموں کے سربراہان نے دل کی گہرائیوں سے وزیر اعظم کے دور اندیش اور کسان دوست فیصلوں کا خیرمقدم کیا اور ان کی مکمل حمایت کی اور کہا، "ہمارے لیے قومی مفاد سب سے مقدم ہے، ہم اس معاملے میں مکمل طور پر وزیر اعظم نریندر مودی کے ساتھ ہیں۔" کسان تنظیموں کے نمائندوں نے متفقہ طور پر وزیر اعظم مودی کا شکریہ ادا کیا اور ان کے تاریخی کسان دوست قدم کی تعریف کی۔