رامپور: سماج وادی پارٹی (ایس پی) کے سینئر لیڈر و سابق کابینی وزیر محمد اعظم خان نے کسی پارٹی کا نام لئے بغیر کہا کہ جس طرح سے ظلم ڈھائے جا رہے ہیں۔ اس طرح سے تو ہٹلر نے بھی یہودیوں کے ساتھ ایسا ظلم نہیں کیا تھا۔ ایس پی لیڈر نے کہا کہ وہ نہیں جانتے تھے کہ عوام پر ظلم و زیادتی کرنا حکومتوں کا کام ہے اور اگر انہیں یہ پتہ ہوتا تو وہ اپنے 50 سالہ زندگی میں کئی اور تاریخ لکھ سکتے تھے۔
Published: undefined
رامپور اسمبلی سیٹ کے ضمنی الیکشن میں ایس پی امیدوار کی حمایت میں عوامی ریلی سے خطاب کرتے ہوئے اعظم خان نے کہا کہ کیا کوئی شخص یا حکومت اس قدر اتنا نیچے گر سکتی ہے کہ وہ لوگوں پر ظلم و زیادتی کرنے لگے؟ جیل پھر سے میرا انتظار کر رہی ہے۔ جہاں میرے خلاف سب سے زیادہ مظالم ہوتے ہیں۔ ایسے مظالم تو ہٹلر نے بھی یہودیوں کے خلاف نہیں کئے تھے۔
Published: undefined
ایس پی لیڈر نے کہا کہ وہ ایک بھی معاملے میں خود کو بے گناہ ثابت نہیں کر پائے۔ کبھی اپنے قریبی رہنے والوں اور اب بی جے پی میں شامل ہونے والے لیڈروں کو ہدف تنقید بناتے ہوئے انہوں نے کہا کہ امیر لوگ چھوڑ کر چلے گئے اور بس وفادار لوگ ہی پارٹی میں رہ گئے ہیں۔
Published: undefined
انہوں نے الزام لگایا کہ گئو کشی کے 50 معاملے والے لوگ بی جے پی کا اسٹیج شیئر کر رہے ہیں۔ اعظم نے کہا کہ 'مجھے تقریباً ہر دن عدالت میں پیش ہونا پڑتا ہے اور جو الزام لگائے گئے ہیں اس میں ہر دفعہ میں عمر قید کی سزا ہے۔ ایسی سزا کے لئے کئی زندگی چاہئے۔ میرا بیٹا وکیلوں سے صلاح لے رہا ہے کہ ان سزاؤں سے کیسے بچا جائے۔ ہم اپنی بے گناہی ثابت نہیں کرسکے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined