دہلی۔این سی آر میں جھما جھم بارش سے موسم ہوا خوشنما، لوگوں کو اومس بھری گرمی سے ملی راحت

ملک کی راجدھانی دہلی میں موسم نے اچانک اپنا مزاج بدل لیا۔ رات بھر شہر میں شدید اومس کے بعد اتوار کی صبح زوردار بارش ہو رہی ہے۔ دہلی۔این سی آر کے کئی علاقوں میں بارش دیکھنے کو ملی۔ فیروزشاہ روڈ سمیت کئی دیگر علاقوں میں بھی شدید بارش ہوئی ہے، جس سے لوگوں کو اومس بھری گرمی سے فی الحال راحت ملی ہے۔ محکمہ موسمیات نے 5 سے 9 جولائی تک دہلی میں بارش ہونے کی بات کہی ہے۔

محکمہ موسمیات کے مطابق 6، 7، 8 اور 9 جولائی کو دہلی میں بادلوں کا آنا جانا بنا رہے گا۔ اس دوران دہلی میں مختلف علاقوں میں گرج-چمک کے ساتھ ہلکی بارش اور بوچھاریں دیکھی جا سکتی ہیں۔ ایسے میں 6، 7، 8 اور 9 جولائی کو زیادہ سے زیادہ درجہ حرارت 32 سے 35 ڈگری سیلسیس کے آس پاس ریکارڈ کی جا سکتی ہے۔

واضح رہے کہ ہفتہ کو دن میں تیز دھوپ کی وجہ سے اومس بھری گرمی رہی۔ اس کے بعد شام کو دہلی میں کہیں کہیں ہلکی بارش بھی ہوئی۔ محکمہ موسمیات کے مطابق اتوار کو بھی آسمان میں بادل چھائے رہنے کا امکان ہے۔ گرج-چمک کے ساتھ ہلکی سے درمیانی بارش بھی ہو سکتی ہے۔ اس لیے محکمہ موسمیات نے اتوار کے لیے یلو الرٹ جاری کیا ہے۔ پیر کو بھی دہلی میں درمیانی بارش ہونے کا امکان ہے۔

اس مہینے کے شروعاتی پانچ دنوں میں مانسون کمزور رہا ہے۔ اس وجہ سے اس مہینے سے اب تک پانچ دنوں مٰں دہلی میں معمول سے 82 فیصد کم بارش ہوئی ہے۔ اس مہینے اب تک دہلی میں 4.1 ملی میٹر بارش ہوئی ہے جو معمول (23.3 ملی میٹر) سے 19.2 ملی میٹر کم ہے۔

ملک کی دوسری ریاستوں کی بات کی جائے تو الگ الگ حصوں میں جھما جھم بارش ہو رہی ہے۔ میدانی علاقوں میں جہاں مانسونی بارش بارش بڑی راحت لے کر آ رہی ہے، وہیں پہاڑی ریاستوں میں یہ آفت بن کر برس رہی ہے۔ آرینج الرٹ کے درمیان ہماچل پردیش اور اتراکھنڈ میں ہفتہ کو کوئی بارش نے مشکلیں بڑھا دی ہیں۔

20 جون سے 4 جولائی کے درمیان 15 دنوں میں ہی دونوں ریاستوں میں بھاری بارش، لینڈ سلائڈ، بادل پھٹنے اور بارش کی وجہ سے سڑک اور دیگر حادثوں میں مرنے والوں کی تعداد بڑھ کر 77 پہنچ گئی ہے۔ اس میں ہماچل میں 75 اور اتراکھنڈ میں 2 اموات شامل ہیں۔ 300 سے زیادہ لوگ زخمی ہوئے ہیں اور 30 سے زیادہ ابھی بھی لاپتہ ہیں۔