آج سے میٹرو کا کرایا بڑھا، اب کہاں کے سفر کے لئے کتنے پیسے ادا کرنے ہوں گے

دہلی میٹرو میں سفر کرنے والوں کے لیے ایک بڑی تبدیلی آئی ہے۔ دہلی میٹرو ریل کارپوریشن یعنی ڈی ایم آر سی نے طویل عرصے کے بعد ایک بار پھر کرایہ بڑھایا ہے۔ یہ آج یعنی 25 اگست سے لاگو ہو گیا ہے۔ تمام لائنوں پر 1 روپے سے 4 روپے اور ایئرپورٹ ایکسپریس لائن پر 1 روپے سے 5 روپے کا اضافہ ہوا ہے۔

ڈی ایم آر سی کے مطابق اب دہلی میٹرو کا کم از کم کرایہ 11 روپے اور زیادہ سے زیادہ کرایہ 64 روپے ہوگا۔یہ تبدیلی 8 سال بعد کی گئی ہے، جس سے لاکھوں مسافروں کے اخراجات متاثر ہوں گے۔ ایئرپورٹ ایکسپریس لائن پر کرایہ 5 روپے بڑھ گیا ہے۔

دہلی میٹرو ریل کارپوریشن نے سوشل میڈیا پلیٹ فارم ایکس  پر لکھا، "دہلی میٹرو خدمات کا مسافر کرایہ آج یعنی 25 اگست 2025 (پیر) سے تبدیل کر دیا گیا ہے۔ یہ اضافہ کم سے کم ہے، جو سفر کی مسافت کے مطابق صرف ₹ 1 سے ₹ 4 تک ہو گا (ایئرپورٹ ایکسپریس لائن کے لیے ₹ 5 تک)۔ نیا کرایہ 25 اگست 2025 سے موثر ہو گا۔"

ڈی ایم آر سی نے بتایا کہ کرایہ میں یہ اضافہ آپریشن لاگت اور سروس کے معیار کو برقرار رکھنے کے لیے کیا گیا ہے۔ یہ قدم بڑھتی ہوئی مہنگائی اور دیکھ بھال کے اخراجات کی وجہ سے ضروری ہو گیا تھا۔