نئے زرعی قوانین کو لے کر کسانوں کی تحریک اپنے شباب پر ہے۔ اپوزیشن پارٹیاں بھی ان قوانین کے خلاف حکومت کو لگاتار تنقید کا نشانہ بنا رہی ہیں۔ اسی درمیان نئے زرعی قوانین کے ایشو پر دہلی اسمبلی میں آج زبردست ہنگامہ ہوا۔ دہلی کی کیجریوال حکومت نے جمعرات کو ایک دن کا خصوصی اجلاس طلب کیا، جس میں ان قوانین کی پرزور مخالفت کی گئی۔ اسی دوران عآپ اراکین اسمبلی نے ایوان میں ہی زرعی قوانین کی کاپی کو پھاڑ دیا۔
Published: undefined
اسمبلی کے یک روزہ اجلاس کی شروعات میں وزیر کیلاش گہلوت نے ایک ’سنکلپ پتر‘ پیش کیا جس میں تینوں زرعی قوانین کو منسوخ کرنے کی بات کہی گئی۔ اس کے بعد عآپ رکن اسمبلی مہندر گویل، سومناتھ بھارتی نے ایوان میں زرعی قوانین کی کاپی کو پھاڑ دیا اور ’جے جوان، جے کسان‘ کا نعرہ لگانے لگے۔ عآپ اراکین اسمبلی نے کہا کہ کوئی بھی قانون جو کسانوں کے خلاف ہے، ہم اسے نہیں مانیں گے۔
Published: undefined
واضح رہے کہ عآپ نے بھی تینوں زرعی قوانین کی مخالفت میں آواز بلند کر دی ہے۔ کسان تحریک کی حمایت میں وزیر اعلیٰ کیجریوال نے ایک دن کی بھوک ہڑتال بھی کی تھی۔ اتنا ہی نہیں، وہ کسانوں سے ملنے سنگھو بارڈر بھی گئے تھے۔ عآپ کا مطالبہ ہے کہ حکومت کسانوں کی بات مانتے ہوئے تینوں قوانین کو واپس لے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: پریس ریلیز