قومی خبریں

گردابی طوفان ’یاس‘ نے مغربی بنگال کو پہنچایا 15 ہزار کروڑ روپے کا نقصان

طوفان یاس کی وجہ سے وزیر ممتا بنرجی 30 گھنٹے ریاستی سکریٹریٹ نوبان میں قیام پذیر رہیں۔ جمعرات کے روز وزیر اعلی نے سکریٹریٹ میں مختلف عہدیداروں کے ساتھ میٹنگ کی اور صورت حال کا جائزہ لیا۔

ممتا بنرجی، تصویر یو این آئی
ممتا بنرجی، تصویر یو این آئی 

کولکاتا: خلیج بنگال میں ’یاس طوفان‘ کے بعد شمالی24پرگنہ و جنوبی 24 پرگنہ اور مشرقی و مغربی مدنی پور کے بیشتر علاقے اب بھی زیر آب ہیں۔ وزیر اعلی ممتا بنرجی نے ریاستی سکریٹریٹ میں میڈیا سے ملاقات کرتے ہوئے دعوی کیا کہ طوفان کی وجہ سے ریاست کو 15,000 کروڑ روپے کا نقصان ہوا ہے۔ انہوں نے بتایا کہ وہ جمعہ کو ہیلی کاپٹر کے ذریعہ طوفان سے متاثرہ علاقوں کا دورہ کریں گی۔

Published: undefined

ممتا بنرجی کا کہنا ہے کہ طوفان اور بارش کی وجہ سے تقریباً تین لاکھ مکانات کو نقصان پہنچا ہے، زرعی اراضی پر 1.16 ہیکٹر پر 2000 کروڑ کا نقصان ہوا ہے، علاوہ ازیں بڑی تعداد میں ڈیم ٹوٹ چکے ہیں۔ وزیرا علیٰ نے ڈیم کے ٹوٹنے کی تحقیقات کی ہدایت بھی دی ہے۔ تقریباً 15 لاکھ افراد امدادی کیمپوں میں مقیم ہیں۔ ریاستی حکومت امدادی کیمپوں میں مقیم لوگوں کے لئے انتظامات کررہی ہے۔

Published: undefined

طوفان یاس کی وجہ سے وزیر ممتا بنرجی 30 گھنٹے ریاستی سکریٹریٹ نوبان میں قیام پذیر رہیں۔ جمعرات کے روز وزیر اعلی نے سکریٹریٹ میں مختلف عہدیداروں کے ساتھ میٹنگ کی اور صورت حال کا جائزہ لیا۔ بتایا جاتا ہے کہ مختلف اضلاع سے تعلق رکھنے والے تقریباً ایک کروڑ لوگ متاثر ہوئے ہیں۔ زرعی دولت اور فصلوں کو بڑے پیمانے پر نقصان پہنچا ہے اور دو افراد ہلاک بھی ہوگئے ہیں۔ اس دوران وزیر اعلیٰ نے سوال اٹھایا کہ آخر امفان کے دوران بنائے گئے ڈیم کیوں ٹوٹ گئے؟ اس کی تحقیقات کرائے جانے کی بات بھی انھوں نے کی۔ ممتا بنرجی نے اس کے لئے ٹاسک فورس تشکیل دینے کی ہدایت کی ہے۔ وزیر اعلی نے یہ بھی سوال کیا کہ پانچ کروڑ درخت لگانے تھے، وہ کیوں نہیں لگائے گئے؟

Published: undefined

ریاستی چیف سکریٹری الاپن بندوپادھیائے نے بتایا کہ وزیراعلیٰ نے 28 مئی کو طوفان سے متاثرہ علاقے کا فضائی معائنہ کرنے کا فیصلہ کیا ہے۔ اس کے بعد وہ شمالی 24 پرگنہ کے سندیش کھالی کے وسیع علاقے کا دورہ کریں گی اور ہنگل گنج میں جائزہ اجلاس منعقد کریں گی۔ اس کے بعد وہ ساگر جائیں گی۔پھر وہ مشرقی مدنی پور جائیں گی۔دیگھا میں 29 مئی کو افسران کے ساتھ وہ میٹنگ کریں گی۔

Published: undefined

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

Published: undefined