بہار کے گوپال گنج ضلع کے ماجھاگڑھ تھانہ حلقہ میں منگل کو ایک ہندی روزنامہ کے صحافی راجن پانڈے کو جرائم پیشوں نے گولی مار دی اور فرار ہو گئے۔ گولی لگنے سے صحافی سنگین طور سے زخمی ہو گئے۔ پولس نے اس معاملے میں اب تک دو لوگوں کو گرفتار کیا ہے۔ پولس کے ایک افسر نے بتایا کہ ماجھا گڑھ تھانہ حلقہ کے پرانی بازار علاقہ میں صحافی راجن پانڈے اپنے گھر سے صبح نکل کر کہیں جا رہے تھے تبھی بلیٹ بائیک پر سوار ہو کر آئے تین لوگوں نے انھیں گولی مار دی۔
Published: undefined
گولی لگنے کے بعد راجن وہیں پر گر گئے۔ زخمی حالت میں صحافی کو مقامی لوگوں کی مدد سے گوپال گنج صدر اسپتال لایا گیا، جہاں سے ابتدائی علاج کے بعد سنگین حالت کو دیکھتے ہوئے انھیں گورکھپور کے لیے ریفر کر دیا گیا۔
Published: undefined
گوپال گنج پولس سپرنٹنڈنٹ منوج کمار تیواری نے بتایا کہ پولس نے فوری کارروائی کرتے ہوئے اس معاملے میں دو لوگوں کو گرفتار کیا ہے۔ انھوں نے بتایا کہ زخمی راجن نے دو ملزمین کے نام بتائے ہیں۔ انھوں نے بتایا کہ واقعہ کے اسباب کا اب تک پتہ نہیں چل سکا ہے۔ پولس معاملے کی تفتیش کر رہی ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم
تصویر: سوشل میڈیا