نئی دہلی: ملک کی کچھ ریاستوں میں کورونا وائرس (کووڈ-19) کے انفیکشن میں اچانک آئی شدت کے درمیان اس وبا سے مرنے والے افراد کی تعداد میں کمی آرہی ہے لیکن فعال کیسز میں اضافہ ہوا ہے۔ مسلسل دو دنوں سے کورونا وائرس سے مرنے والوں کی تعداد 100 سے زائد درج کی جا رہی تھی لیکن گذشتہ 24 گھنٹوں کے دوران ان میں کمی درج کی گئی اور ان کی تعداد 89 رہ گئی ہے۔ اسی دوران کورونا سے نجات پانے والوں کی تعداد کم رہنے سے سے فعال کیسز میں اضافہ ہوا ہے۔ دریں اثنا ملک میں اب تک ایک کروڑ 66 لاکھ 16 ہزار 48 افراد کو کورونا کے ٹیکے لگائے گئے ہیں۔
Published: undefined
مرکزی وزارت صحت کی جانب سے جمعرات کے روز جاری کردہ اعداد و شمار کے مطابق گذشتہ 24 گھنٹوں کے دوران کورونا وائرس کے 17،407 نئے کیسز سامنے آئے ہیں، جس سے متاثرہ افراد کی تعداد ایک کروڑ 11 لاکھ 56 ہزار سے زیادہ ہوگئی ہے۔ گذشتہ 24 گھنٹوں کے دوران 14،031 مریض صحتیاب ہوئے ہیں، جس سے اب تک صحتیاب ہونے والوں کی تعداد ایک کروڑ آٹھ لاکھ 26 ہزار 75 ہو گئی ہے۔ فعال کیسز 3287 بڑھنے سے 1.73 لاکھ سے زائد ہو گئے۔ اسی دوران 89 مریضوں کی موت ہونے سے اس وبا سے مرنے والوں کی تعداد بڑھ کر ایک لاکھ 57 ہزار 435 ہوگئی ہے۔
Published: undefined
ملک میں شفا یابی کی شرح کم ہو کر 97.03 رہ گئی ہے اور فعال کیسز کی شرح کم ہو کر 1.55 فیصد ہو گئی ہے جبکہ شرح اموات اب بھی 1.41 فیصد ہے۔ مہاراشٹر کورونا کے فعال کیسز کے معاملے میں سرفہرست ہے اور ریاست میں گذشتہ 24 گھنٹوں کے دوران 3254 فعال کیسز بڑھنے سے ان کی تعداد 83،556 ہو گئی ہے۔ ریاست میں 6559 مریض صحتیاب ہوئے ہیں، جس سے کورونا کو شکست دینے والوں کی تعداد بڑھ کر 20.43 لاکھ ہوگئی، جبکہ مزید 42 مریضوں کی موت ہونے سے مرنے والوں کی تعداد بڑھ کر 52،280 ہوگئی ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم
تصویر: سوشل میڈیا