ڈجیٹلائزیشن کے بعد ملک میں 3,50,000 سے زیادہ کاپی رائٹس رجسٹرڈ ہوئے

صنعت اور داخلی تجارت کے فروغ کے محکمے (ڈی پی آئی آئی ٹی) کے مطابق کاپی رائٹ رجسٹریشن کے عمل کو ڈجیٹائز کرنے کے بعد سے اب تک 3,50,000 سے زیادہ کاپی رائٹ رجسٹر کیے جا چکے ہیں۔

وزارت تجارت اور صنعت نے منگل کو ایک ریلیز میں کہا کہ یہ اعداد و شمار مختلف شعبوں کے تخلیق کاروں میں کاپی رائٹ کے تحفظ کے طریق کار کے بارے میں آگاہی اور اپنانے میں نمایاں اضافہ کی عکاسی کرتے ہیں۔ کنٹرولر جنرل آف ٹینٹ، ڈیزائنز اور ٹریڈ مارکس کے دفتر کے تحت کاپی رائٹ آفس، ڈی پی آئی آئی ٹی کے تعاون سے کاپی رائٹ ایکٹ 1957 کے نفاذ کی 68 ویں سالگرہ منانے کے لیے بدھ کو دارالحکومت میں ایک خصوصی تقریب کا اہتمام کر رہا ہے۔ اس پروگرام کا موضوع ہے - 'کاپی رائٹ ایکٹ میں ڈجیٹل اصلاحات'۔

کاپی رائٹ ایکٹ، 1957، ہندوستان میں دانشورانہ املاک کے قانون کا سنگ بنیاد رہا ہے، جو تخلیق کاروں کے ان کے ادبی، ڈرامائی، موسیقی اور فنکارانہ کاموں کے ساتھ ساتھ سنیماٹوگراف فلموں اور ساؤنڈ ریکارڈنگ کے حقوق کو منظم کرتا ہے۔ اس کے نفاذ کے بعد سے ایکٹ میں تکنیکی ترقی اور بین الاقوامی معاہدوں کے ساتھ رفتار برقرار رکھنے کے لیے کئی ترامیم کی گئی ہیں۔ اصل میں روایتی میڈیا کے منظر نامے میں تخلیق کاروں کے حقوق کے تحفظ کے لیے ڈیزائن کیا گیا تھا، بعد میں اس میں ڈجیٹل دورسمیت ترقی پذیر ٹیکنالوجیز کے ذریعے درپیش چیلنجوں سے نمٹنے کے لیے ترمیم کی گئی۔