نئی دہلی: کانگریس پارٹی مہنگائی کے حوالہ سے مرکز کی نریندر مودی کی قیادت والی بی جے پی حکومت پر لگاتار حملہ کر رہی ہے۔ اسی ضمن میں اب پارٹی کی جانب سے ملک بھر میں گراں بازاری کے خلاف ’مہنگائی چوپال‘ کا انعقاد کیا جا رہا ہے۔ کانگریس کی مہنگائی چوپالوں کو تمام اسمبلی انتخابی حلقوں، خوردہ بازاروں اور دیگر مقامات پر منعقد کیا جائے گا۔
Published: undefined
کانگریس پارٹی کی جانب سے مہنگائی چوپالوں کا انعقاد آج یعنی 17 اگست سے 23 اگست تک کیا جائے گا۔ کانگریس پارٹی اس تحریک کے اختتام پر دہلی کے رام لیلا میدان پر ’مہنگائی پر ہلہ بول‘ کے نام سے عظیم الشان جلسہ عام کا انعقاد کرے گی۔ خیال رہے کہ پارٹی نے حال ہی میں مہنگائی کے معاملہ پر ملک گیر احتجاج کیا تھا۔
Published: undefined
کانگریس پارٹی کی جانب سے 5 اگست کو ملک گیر احتجاج کے دوران راہل گاندھی اور متعدد پارٹی لیڈران کو اس وقت حراست میں لے لیا گیا تھا جب وہ مہنگائی کے خلاف پارلیمنٹ ہاؤس سے صدارتی محل تک مارچ نکال رہے تھے، پولیس نے انہیں وجے چوک پر ہی روک لیا تھا۔ وہیں، کانگریس کی جنرل سیکریٹری پرینکا گاندھی کو بھی پارٹی کے دفتر کے باہر حراست میں لے لیا گیا تھا۔ راہل اور پرینکا کو پولیس نے تقریباً 6 گھنٹے نظربند رکھنے کے بعد رہا کیا تھا۔
Published: undefined
احتجاج سے عین قبل پریس کانفرنس کے ذریعے بھی راہل گاندھی نے مودی حکومت کو ہدف تنقید بنایا تھا۔ انہوں نے کہا تھا کہ ہندوستان کو کئی بھی ادارہ آج آزاد اور غیرجانب دار نہیں ہے اور ہر ایک چیز پر آر ایس ایس کا قبضہ ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر بشکریہ جمال عباس فہمی
تصویر: سوشل میڈیا