لوک سبھا انتخابات سے پہلے ہی مرجھا رہا ہے کمل: کانگریس

ریاستی کانگریس کمیٹی کے ترجمان سورو چوہان نے کہا کہ اگلے سال ہونے والے لوک سبھا انتخابات سے پہلے ہی بھارتیہ جنتا پارٹی کا کمل مرجھانے لگا ہے۔ یہی وجہ ہے کہ ہماچل پردیش کے مقبول وزیر اعلیٰ ٹھاکر سکھویندر سنگھ سکھو کے مفاد عامہ کے فیصلوں سے بی جے پی لیڈر گھبرانے لگے ہیں۔

مسٹرچوہان نے کہا کہ ریاست میں تعلیمی نظام کو مضبوط بنانے کے لیے تمام سرکاری اسکولوں میں پہلی جماعت سے ہی انگلش میڈیم شروع کرنے کا فیصلہ کیا، جو اپنے آپ میں ایک قابل ستائش قدم ہے۔ سورو چوہان نے کہا کہ جب ملازمین کو او پی ایس کا تحفہ دیا گیا تو اپوزیشن اس پر بھی سیاست کرنے لگی۔ جو ملازمین کے تئیں منفی سوچ کو ظاہر کرتا ہے۔

انہوں نے کہا کہ ان دنوں بی جے پی لیڈر ہماچل پردیش میں غیر ضروری شور مچا رہے ہیں۔ انہوں نے کہا کہ بلدیاتی انتخابات میں مقامی ایم ایل ایز کو منتخب کرنے کا حق دینا حکومت کا درست فیصلہ ہے۔ انہوں نے کہا کہ ایم ایل اے کے مطالبے پر یہ صحت مند جمہوریت کی سمت میں ریاستی حکومت کا درست فیصلہ ہے۔

انہوں نے کہا کہ کافی دنوں سے ایم ایل اے کی طرف سے مطالبہ کیا جا رہا تھا کہ ایم ایل اے کو بھی ووٹ کا حق دیا جائے۔ ایسے میں ان کے مطالبے پر غور کرتے ہوئے حکومت نے ایم ایل اے کو بلدیاتی انتخابات میں حصہ لینے کا حق دیا ہے۔ انہوں نے کہا کہ اس سے جمہوریت مزید مضبوط ہوگی۔