ملکارجن کھڑگے، راہل گاندھی و پرینکا گاندھی کی مہاویر جینتی پر اہلِ وطن کو مبارکباد

کانگریس کے قومی صدر ملکارجن کھڑگے، پارٹی کے سابق صدر راہل گاندھی اور پارٹی کی جنرل سکریٹری پرینکا گاندھی نے مہاویر جینتی کے موقع پر اہل وطن کو مبارکباد دی ہے اور اس مقدس تہوار پر سب کی خوشحالی کی خواہش کا اظہار کیا ہے۔

ملکا رجن  کھڑگے نے کہا ہے کہ ’’مہاویر جینتی کے پرمسرت موقع پر ہماری دلی مبارکباد، بھگوان مہاویر کی زندگی اور تعلیمات ہمیں مہربان اور سادہ رہنے کی ترغیب دیتی ہیں۔ ان کی تعلیمات ہمیں خوشی، قناعت اور بے لوث زندگی کی راہ دکھاتی ہیں۔ یہ تہوار سچائی ، عدم تشدد اور ہم آہنگی کے تئیں ہر ایک کے عزم کو مضبوط کرے۔‘‘

کانگریس کے سابق صدر اور ممبر پارلیمنٹ راہل گاندھی نے کہا ہے کہ ’’جین مت کے 24 ویں تیرتھنکر بھگوان مہاویر کے یوم پیدائش پر اہل وطن کو دلی مبارکباد اور نیک خواہشات، بھگوان مہاویر کی زندگی، ہمدردی اور انسانیت کی ان کی تعلیمات ہم سب کے لیے تحریک کا ذریعہ ہیں۔‘‘

کانگریس کی قومی جنرل سکریٹری محترمہ پرینکا گاندھی نے کہا ہے کہ ’’سماجی تبدیلی کے علمبردار اور سچائی، عدم تشدد اور ہمدردی کے سب سے بڑے متلاشی بھگوان مہاویر کے یوم پیدائش پر مبارکباد۔ ان کے اصول اور نظریات عالمی بھائی چارے اور انسانی فلاح کا راستہ ہیں۔‘‘