برطانوی جنگی طیارہ ایف-35 کی ایمرجنسی لینڈنگ، ایندھن کم ہونے کے بعد ترووننت پورم ہوائی اڈے پر اُترا

برطانوی جنگی طیارہ ایف-35 کی کیرالہ کے تروونت پورم بین الاقوامی ہوائی اڈے پر ایمرجنسی لینڈنگ کرائی گئی ہے۔ ایندھن ختم ہونے کی وجہ سے طیارہ کی ایمرجنسی لینڈنگ کرانے کی نوبت آئی۔

طیارہ نے ہوائی اڈے سے اڑان بھرنے کے بعد ہفتہ کی دیر رات محفوظ لینڈنگ کی۔ پائلٹ نے ایندھن ختم ہونے ہونے کی اطلاع دی اور لیںڈنگ کی اجازت مانگی۔ ایف-35 کے نیچے اترتے وقت اسے ہندوستانی فائٹر جیٹس نے اسکارٹ کیا اور محفوظ نیچے اترنے میں مدد کی۔ ایک ذرائع کے مطابق ہوائی اڈے کے افسروں نے ایف 35 کی محفوظ لینڈنگ کرانے کے لیے پورے ہوائی اڈے میں ایمرجنسی کا اعلان کر دیا تھا۔

موصولہ اطلاع کے مطابق یہ جنگی طیارہ فی الحال ایندھن بھرنے کے انتظار میں کھڑا ہے۔ مرکزی حکومت میں متعلقہ افسروں سے منظوری ملنے کے بعد ایندھن بھرا جائے گا۔

بتایا جاتا ہے کہ یہ طیارہ جدید ترین پانچویں نسل کا اسٹیلتھ فائٹر جیٹ حال میں انڈو پیسفک ریجن میں تعینات ہے۔ اسے دنیا کا سب سے خطرناک فائٹر جیٹ مانا جاتا ہے۔ حال ہی میں اس نے ہندوستانی بحریہ کے ساتھ مشترکہ فوجی مشق میں بھی حصہ لیا تھا۔ یہ 5ویں جنریشن فائٹر جیٹ برطانیہ کے جنگی جہاز ایچ ایم ایس پرنس آف ویلس کے کیریئر اسٹرائک گروپ کا حصہ ہے جو اس وقت آپریشن میں لگا ہے۔

ایف-35 بی ویرینٹ کو خاص طور پر شارٹ ٹیک-آف اور ورٹیکل لینڈنگ کے لیے ڈیزائن کیا گیا ہے، جس سے یہ کیٹا پُلٹ سسٹم کے بغیر طیارہ بردار جہاز سے آپریٹ ہو سکتا ہے۔ امریکی دفاعی ٹھیکہ دار لاک ہیڈ مارٹن کے ذریعہ آپریٹ ایف-35 بی کو آج سروس میں سب سے جدید ترین جنگی طیارہ پلیٹ فارمس میں سے ایک مانا جاتا ہے۔