کانگریس کے سابق صدر راہل گاندھی کی قیادت میں جاری ’بھارت جوڑو یاترا‘ اس وقت مہاراشٹر میں ہے۔ لیکن کل یعنی 23 نومبر کو یاترا مدھیہ پردیش میں داخل ہوگی۔ بدھ کا دن بھارت جوڑو یاترا کے لیے اس لیے بھی خاص ہوگا کیونکہ راہل گاندھی کا ساتھ دینے کے لیے ان کی بہن اور کانگریس جنرل سکریٹری پرینکا گاندھی مدھیہ پردیش کے برہان پور پہنچنے والی ہیں۔ ان کے ساتھ شوہر رابرٹ وڈرا کے ہونے کی بھی خبریں سامنے آ رہی ہیں۔ میڈیا رپورٹس کے مطابق مدھیہ پردیش میں یاترا میں شامل ہونے کے بعد پرینکا گاندھی 26 نومبر کو واپس ہوں گی۔
Published: undefined
مدھیہ پردیش میں بھارت جوڑو یاترا سے متعلق سبھی طرح کی تیاریاں مکمل ہو چکی ہیں۔ پارٹی کے سینئر لیڈر اور ریاستی کانگریس صدر کمل ناتھ برہانپور پہنچ چکے ہیں۔ سابق وزیر اعلیٰ دگ وجئے سنگھ، ارون یادو، سریش پچوری اور دیگر پارٹی لیڈران و عہدیداران برہان پور میں پہلے سے ہی ڈیرا ڈالے ہوئے ہیں۔ کمل ناتھ نے شام کو برہان پور میں صحافیوں کو بتایا کہ راہل گاندھی کی بھارت جوڑو یاترا 23 نومبر کی صبح مہاراشٹر سے برہان پور ضلع میں داخل ہوگی۔ یہ یاترا مدھیہ پردیش میں 12 دنوں کے دوران تقریباً 380 کلومیٹر کی دوری طے کر آگرمالوہ ضلع سے راجستھان میں 4 دسمبر کو داخل ہو جائے گی۔ اس دوران یاترا برہان پور کے علاوہ کھرگو، کھنڈوا، اندور، اجین اور آگرمالوہ سے ہو کر گزرے گی۔
Published: undefined
کمل ناتھ نے پرینکا گاندھی کی بھارت جوڑو یاترا میں شرکت سے متعلق جانکاری دیتے ہوئے بتایا کہ وہ 23 نومبر کی شام اندور پہنچیں گی، اور پھر وہاں سے سڑک کے راستے بوقت شب برہان پور ضلع پہنچیں گی۔ گویا کہ بھارت جوڑو یاترا میں پرینکا گاندھی کی شرکت بدھ کی دیر شام یا رات میں ہی ہو پائے گی۔ پرینکا گاندھی 24 اور 25 نومبر کو یاترا میں شامل ہونے کے بعد 26 نومبر کو واپس لوٹ جائیں گی۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: بشکریہ محمد تسلیم
تصویل: کانگریس میڈیا ڈپارٹمنٹ
تصویر: پریس ریلیز
تصویر: بشکریہ محمد تسلیم