نوبل پرائز یافتہ پروفیسر جیمس ایلسن کے ہاتھوں انوپم کھیر نے حاصل کیا خاص اعزاز

بالی ووڈ میں اپنی اداکاری سے ایک الگ مقام حاصل کرنے والے اداکار انوپم کھیر کو اب تک کئی ایوارڈ حاصل ہو چکے ہیں۔ حال ہی میں انھیں ایک خاص ایوارڈ سے نوازا گیا ہے جس کی جانکاری انوپم کھیر نے اپنے آفیشیل سوشل میڈیا اکاؤنٹ پر دی ہے۔ انھیں یہ ایوارڈ کسی فلم میں اداکاری کے لیے نہیں، بلکہ ’امید کا فلسفہ‘ (فلاسفی آف آپٹیمزم) کے لیے دیا گیا ہے۔ یہ اعزاز انھیں 9 فروری کو ملا۔

انوپم کھیر نے اپنے سوشل میڈیا اکاؤنٹ پر مطلع کیا ہے کہ انھیں سر ایچ این ریلائنس فاؤنڈیشن ہاسپیٹل کی طرف سے اعزاز بخشا گیا ہے۔ انھیں یہ ایوارڈ نوبل انعام یافتہ پروفیسر جیمس ایلسن اور پروفیسر پدمنی شرما کے ہاتھوں سے پیش کیا گیا۔ ہاسپیٹل کے اس ایونٹ میں فلمی دنیا کے مزید کئی ستارے موجود تھے۔

انوپم کھیر نے الیومنیٹ آنکولوجی ٹاؤن ہال 2.0 ایونٹ کے دوران ایوارڈ جیتتے وقت کی تصویریں اپنے آفیشیل انسٹاگرام اکاؤنٹ پر شیئر کی ہیں۔ اس میں انھوں نے لکھا ہے کہ نوبل ایوارڈ وِنر سے میرے لیے ایک اہم ایوارڈ۔ میری اداکاری یا فلم میں تعاون کے علاوہ، مجھے پہلے کئی وجوہات سے ایوارڈ دیا گیا ہے، لیکن کل رات مجھے سر ایچ این ریلائنس فاؤنڈیشن ہاسپیٹل کی طرف سے نوبل انعام یافتہ پروفیسر جیمس ایلسن اور پروفیسر پدمنی شرما کے ذریعہ اعزاز بخشا گیا جو بہت اہم ہے۔

انوپم کھیر نے اپنے پوسٹ میں یہ بھی جانکاری دی کہ یہ اعزاز ان کے لیے خود بہت حیرت انگیز ہے۔ انوپم کھیر نے بتایا کہ انھیں ’امید کا فلسفہ‘ کے لیے ایوارڈ ملا ہے۔ انھوں نے یہ بھی کہا کہ میں دنیا کی میڈیکل رائلٹی کے دونوں طرف سے شامل ہونے کے لیے بے حد پُرجوش ہوں۔ اداکار نے اپنے پوسٹ کے ساتھ ہیش ٹیگ کا بھی استعمال کیا ہے جس میں لکھا ہے کہ ’کچھ بھی ہو سکتا ہے‘۔ ایونٹ میں اداکار سنجے دت اور فلم ساز ایان مکھرجی بھی شامل ہوئے تھے۔