ممبئی: کئی پارٹیوں کے متعدد رہنماؤں کی درخواستوں کے بعد بھارتیہ جنتا پارٹی (بی جے پی) نے پیر کے روز اپنے امیدوار مرجی پٹیل کا نام اندھیری (ایسٹ) ضمنی انتخاب سے واپس لے لیا۔ اس کے بعد ادھو ٹھاکرے کی قیادت والی شیو سینا کی رتوجا لٹکے کے بلا مقابلہ انتخاب کی راہ ہموار ہو گئی۔
Published: undefined
آنجہانی لیڈر رمیش لٹکے کی بیوی اور شیو سینا (ادھو بالا صاحب ٹھاکرے) کی امیدوار رتوجا شیوسینا نے کہا ’’میں پارٹی کے تمام رہنماؤں اور کارکنوں کا شکریہ ادا کرنا چاہوں گی جنہوں نے میری حمایت کی۔ میں عوام کی فلاح و بہبود کے لیے کام کروں گی۔‘‘
خیال رہے کہ اتوار کے روز مہاراشٹر نونرمان سینا (ایم این ایس) کے سربراہ راج ٹھاکرے نے نائب وزیر اعلی دیویندر فڈنویس کو خط لکھ کر بی جے پی سے ضمنی انتخاب نہ لڑنے کی درخواست کی تھی۔ ان کے خط کا جواب دیتے ہوئے، فڈنویس نے کہا تھا کہ وہ اکیلے فیصلہ نہیں لے سکتے اور اس معاملے پر پارٹی میں سینئر سطح پر بات کرنے کی ضرورت ہے۔
Published: undefined
ایکناتھ شندے کی قیادت والی بالا صاحبانچی شیو سینا کے رکن اسمبلی پرتاپ سارنائک نے بھی وزیر اعلیٰ کو خط لکھ کر ان سے رتوجا کے خلاف ضمنی انتخاب نہ لڑنے کی درخواست کی تھی۔ اسی طرح، نیشنلسٹ کانگریس پارٹی (این سی پی) کے سربراہ شرد پوار نے بھی کہا تھا کہ اس سیٹ کے لئے مدت کار صرف ڈیڑھ سال کے لیے رہ گئی ہے اس لیے ضمنی انتخاب کرانے کا کوئی مطلب نہیں ہے۔ انہوں نے کہا ’’بہتر ہوگا کہ رتوجا (لٹکے) کو بلا مقابلہ جیتنے دیا جائے۔ ڈیڑھ سال کی خاطر الیکشن لڑنا بے معنی ہے۔ اس سے اسمبلی انتخابات میں حصہ لینے والے تمام امیدواروں پر بہت زیادہ اثر پڑتا ہے۔ اس بار اس سے اجتناب کرنا بہتر ہے۔‘‘
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: پریس ریلیز