نئی دہلی: عام آدمی پارٹی (عآپ ) کی سابق رہنما الکا لامبا کو دہلی اسمبلی کے اسپیکر رام نواس گوئل نے جمعرات کو پارٹی تبددیل کرنے کی بنیاد پر نااہل قرار دے دیا۔ اس مہینہ کی شروعات میں لامبا کے کانگریس میں شامل ہونے کے بعد عآپ رکن اسمبلی سوربھ بھاردواج کی عرضی پر یہ فیصلہ لیاگیا اور اسمبلی نے لامبا کو ’تبدیلی جماعت ‘ قانون کی بنیاد پر نااہل قرار دیا۔
Published: 20 Sep 2019, 4:10 PM IST
اسمبلی اسپیکر نے کہا کہ چاندنی چوک سے دہلی سمبلی کی منتخب رکن الکا لامبا کو نااہل قرار دیا گیا ہے۔ حکم نامہ میں کہا گیا، ’’چاندی چوک اسمبلی سیٹ خالی ہو گئی ہے۔‘‘ غور طلب ہے کہ اس سے پہلے عام آدمی پارٹی کے چار دیگر ارکان اسمبلی کو بھی اسی طرح نااہل قرار دیا جا چکا ہے۔
Published: 20 Sep 2019, 4:10 PM IST
دہلی اسمبلی سے نااہل قرار دئے جانے کے بعد الکا لامبا نے ٹوئٹر پر ایک ویڈیو پیغام جاری کیا ہے۔ ویڈیو میں لامبا نے کہا، ’’عآپ کے ساتھ میرا سفر اب ختم ہو گیا ہے۔ جنہوں نے اس سفر میں میری مدد کی ان کا میں شکریہ ادا کرتی ہوں۔ میں اپنے لوگوں کے ساتھ مل کر جنگ جاری رکھوں گی۔‘‘ انہوں نے مزید کہا کہ ’’عآپ میں ایک شخص کی تاناشاہی کی وجہ سے جمہوریت ختم ہو چکی ہے۔‘‘
Published: 20 Sep 2019, 4:10 PM IST
واضح رہے کہ الکا لامبا نے 6 ستمبر کو اروند کیجریوال کی قیادت والی عآپ کو چھوڑنے اور پارٹی کی ابتدائی رکنیت سے استعفی دینے کا اعلان کیا تھا۔ لامبا کے کئی معاملات پر پارٹی سے اختلاف چل رہا تھا ۔
Published: 20 Sep 2019, 4:10 PM IST
یاد رہے کہ بھاردواج کی عرضی پر پارٹی کے دیگر چار ارکان کو بھی نااہل قرار دیا جا چکا ہے۔ ان میں انل کمار واجپئی، کرنل دیویندر سہراوت اور کپل مشرا کو بی جے پی سے تعلقات کی وجہ سے نااہل قرار دیا گیا ہے جبکہ سندیپ کمار کو بی ایس پی کے ساتھ تعلقات کی بنا پر نااہل قرار دیا گیا ہے۔
Published: 20 Sep 2019, 4:10 PM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 20 Sep 2019, 4:10 PM IST