قومی خبریں

احمد آباد طیارہ حادثہ: سلمان، شاہ رخ اور عامر خان کا اظہار افسوس، کانفرنس بھی ملتوی

احمد آباد طیارہ حادثے پر سلمان خان، شاہ رخ خان اور عامر خان نے گہرے دکھ کا اظہار کرتے ہوئے مرحومین کے حق میں دعائیں کیں۔ دریں اثنا، سلمان خان نے پریس کانفرنس بھی ملتوی کر دی

<div class="paragraphs"><p>احمد آباد طیارہ حادثہ کا مقام / آئی اے این ایس</p></div>

احمد آباد طیارہ حادثہ کا مقام / آئی اے این ایس

 
IANS

احمد آباد میں ہوئے افسوسناک طیارہ حادثے پر بالی ووڈ کے معروف اداکاروں سلمان خان، شاہ رخ خان اور عامر خان نے گہرے رنج و غم کا اظہار کیا ہے۔ تینوں فنکاروں نے سوشل میڈیا کے ذریعے متاثرین اور ان کے اہل خانہ کے لیے دعائیں کیں اور ہمدردی کا اظہار کیا۔

اداکار سلمان خان نے انسٹاگرام پر لکھا، ’’احمد آباد میں طیارہ حادثے کی خبر سن کر دل بہت اداس ہو گیا۔ میں مسافروں، عملے اور تمام متاثرہ خاندانوں کے لیے دعا گو ہوں۔‘‘

Published: undefined

اس حادثے کے پیش نظر سلمان خان نے اپنی ایک مجوزہ پریس کانفرنس بھی منسوخ کر دی، جو جمعرات کے روز ممبئی میں آئی ایس آر ایل (انڈین سپر کراس ریسنگ لیگ) کے شریک بانیوں، ویر پٹیل اور ایشان لوکھنڈے کے ساتھ ہونی تھی۔

جیسے ہی یہ پروگرام شروع ہونے والا تھا، حادثے کی خبر آئی، جس کے بعد منتظمین اور سلمان خان نے متفقہ طور پر یہ فیصلہ کیا کہ موجودہ حالات کے پیش نظر پروگرام کو مؤخر کر دیا جائے۔

Published: undefined

پریس کانفرنس کے منتظمین نے ایک باضابطہ پریس نوٹ میں کہا، ’’جیسا کہ ہم سب جانتے ہیں، آج ایک انتہائی افسوسناک واقعہ پیش آیا ہے۔ انڈین سپر کراس ریسنگ لیگ اور سلمان خان اس مشکل وقت میں قوم کے ساتھ کھڑے ہیں۔ ہماری تمام دعائیں اور ہمدردیاں متاثرہ خاندانوں کے ساتھ ہیں۔ ہم نے مشترکہ طور پر فیصلہ کیا ہے کہ اس تقریب کو مؤخر کر دیا جائے اور نئی تاریخ جلد ہی دی جائے گی۔‘‘

Published: undefined

ادھر شاہ رخ خان نے بھی طیارہ حادثے پر گہرے صدمے کا اظہار کیا۔ ایکس (سابقہ ٹوئٹر) پر اپنے پیغام میں انہوں نے کہا، ’’احمد آباد میں حادثے کی خبر سن کر دل بہت اداس ہے۔ میں تمام متاثرین، ان کے اہل خانہ اور ہر اس فرد کے لیے دعاگو ہوں، جو اس سانحے سے متاثر ہوا ہے۔‘‘

اداکار عامر خان، جنہیں ان کے مداح ’مسٹر پرفیکشنسٹ‘ کے نام سے جانتے ہیں، نے بھی حادثے پر دکھ کا اظہار کیا۔ ان کی ٹیم کی جانب سے ایک پیغام جاری کیا گیا جس میں لکھا گیا، ’’آج پیش آنے والے طیارہ حادثے نے ہمیں گہرے صدمے میں مبتلا کر دیا ہے۔ ہم اس کٹھن گھڑی میں متاثرہ خاندانوں کے ساتھ ہیں اور ان کے لیے دعا گو ہیں۔‘‘

Published: undefined

واضح رہے کہ احمد آباد میں پیش آنے والے اس طیارہ حادثے کے سبب ملک بھر میں صدمے کی لہر پیدا ہو گئی ہے۔ حکومت اور امدادی ایجنسیاں پوری مستعدی کے ساتھ راحت رسانی میں مصروف ہیں، جبکہ فلمی دنیا کے ستارے بھی اپنی جانب سے یکجہتی اور ہمدردی کا مظاہرہ کر رہے ہیں۔

یہ پہلا موقع نہیں ہے کہ بالی ووڈ کے بڑے ستاروں نے کسی قومی سانحے پر کھل کر اپنے جذبات کا اظہار کیا ہو۔ ماضی میں بھی سلمان، شاہ رخ اور عامر نے کئی مواقع پر انسانی ہمدردی کے پیغامات دیے ہیں، اور عوامی جذبے کے ساتھ کھڑے نظر آئے ہیں۔

Published: undefined

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

Published: undefined