چھتیس گڑھ: بگھیل حکومت نے عوامی انعقادات، ریلی، دھرنا کے لیے ضابطے کیے سخت

چھتیس گڑھ میں اب کوئی بھی عوامی تقریب کرنے سے پہلے ضلع انتظامیہ سے اجازت لینی ہوگی۔ ساتھ ہی اس بات کا حلف نامہ بھی لازمی طور پر دینا ہوگا کہ اگر کسی طرح کی گڑبڑی ہوتی ہے تو اس کے لیے تقریب منعقد کرنے والا شخص ذمہ دار ہوگا۔

ریاست کے محکمہ داخلہ (پولیس) نے ایک حکم جاری کر کہا ہے کہ عوامی نظام اور نظامِ قانون و امن برقرار رکھنے کے لیے عوامی تقاریب یا انعقادات کے لیے ضلع انتظامیہ کی اجازت حاصل کرنا ضروری ہوگی۔ یہ حکم مختلف اداروں یا تنظیموں کے ذریعہ بغیر قبل اجازت تقریب، مظاہرے کیے جانے سے عام شہریوں کے روز مرہ کے کاموں میں رخنہ پہنچنے اور کاروباری سرگرمیاں متاثر ہونے سے پیدا مسائل کو دیکھتے ہوئے جاری کیا گیا ہے۔

محکمہ داخلہ کے ذریعہ جاری کیے گئے حکم کے مطابق دھرنا، جلوس، ریلی یا دیگر انعقادات کی اجازت کے لیے ضلع مجسٹریٹ کو مقررہ درخواست جمع کرنا ہوگی۔ تقریب کے آرگنائزر کو تقریب میں شامل ہونے والے 10 اہم اشخاص کے نام، عہدہ، موبائل نمبر، پتہ (اگر الگ الگ تنظیمیں شامل ہوں تو سبھی تنظیموں کے 10-10 اہم اراکین کے نام) وغیرہ مقررہ درخواست کے ساتھ دینا ہوگا۔ اس کے ساتھ ہی آرگنائزر کو تقریب کی شرائط کے عمل سے متعلق اور قانونی احکام کی خلاف ورزی ہونے کی صورت میں ذمہ داری لینے سے متعلق حلف نامہ بھی پیش کرنا ہوگا۔