الٰہ آباد یونیورسٹی کے طلبا یونین انتخاب میں دوسری بار سماجوادی چھاتر سبھا کے امیدوار نے پرچم لہرایا۔ لیکن جمعہ کی شب انتخابی نتیجہ برآمد ہوتے ہی یونیورسٹی اور آس پاس کے علاقے کا ماحول خراب ہو گیا۔ یونیورسٹی طلبا یونین انتخاب کا نتیجہ آنے کے بعد یونیورسٹی میں خوب ہنگامہ ہوا۔ ہاسٹل کے کمروں اور سڑک پر گاڑیوں میں آگ لگا دی گئی اور افرا تفری کا عالم رہا۔ منتخب صدر اودے پرکاش نے تشدد اور آتش زنی کے لیے اے بی وی پی کارکنان کو ذمہ دار ٹھہرایا۔ حالات کو قابو میں کرنے کے لیے پولس انتظامیہ کے افسروں کو کافی مشقت کرنی پڑی۔
سماجوادی پارٹی کے طلبا لیڈروں نے دعویٰ کرتے ہوئے کہا کہ اس تشدد کے پیچھے اے بی وی پی کارکنان کا ہاتھ ہے۔ انتخابی نتیجے اعلان ہونے کے بعد ہارنے والے امیدواروں کے حامی طلبا کے ایک گروپ نے ہالینڈ ہال ہاسٹل کے 5 کمروں میں آگ لگا دی جس میں سابق صدر اونیش یادو اور نومنتخب صدر اودے پرکاش یادو کا بھی کمرہ شامل ہے۔
Published: undefined
ہنگامہ کرنے والے طلبا پر کتابیں اور تعلیمی دستاویز بھی جلانے کا الزام عائد ہوا ہے۔ اتنا ہی نہیں، ہنگامہ کرنے والے طلبا نے سڑکوں پر کھڑی کئی گاڑیوں کو آگ کے حوالے کر دیا۔ فائر بریگیڈ کی ٹیم موقع پر پہنچی اور کسی طرح آگ کو بجھایا، لیکن تب تک کافی سامان خاک ہو چکا تھا۔ مشتعل طلبا کو سمجھانے کی کوشش کرنے پہنچی پولس پر بھی مظاہرین طلبا نے پتھراؤ کیا۔ اس سے پورے علاقے میں بدنظمی کی حالت پیدا ہو گئی۔ اس معاملے میں پولس افسران کا کہنا ہے کہ ہاسٹل سے لے کر باہر تک بمباری اور آتش زنی کرنے والوں کے خلاف سخت کارروائی کی جائے گی۔
Published: undefined
واضح رہے کہ جمعہ کی دیر شب جاری انتخابی نتیجہ کے مطابق طلبا یونین انتخاب میں صدر عہدہ پر ایک بار پھر سماجوادی چھاتر سبھا کا قبضہ ہو گیا ہے۔ سماجوادی پارٹی کی طلبا یونٹ کے اودے پرکاش نے 3698 ووٹوں سے فتح حاصل کی جب کہ نائب صدر عہدہ پر این ایس یو آئی کے اکھلیش یادو نے 2157 ووٹوں سے فتح درج کی۔ جنرل سکریٹری کے عہدہ پر اے بی وی پی کے شیوم سنگھ 2823 ووٹوں سے فتحیاب ہوئے اور جوائنٹ سکریٹری عہدہ پر سماجوادی چھاتر سبھا کے ستیم سنگھ نے بازی ماری۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined