پنجاب کے ہوشیار پور میں دردناک سڑک حادثہ، ٹرک نے 4 افراد کو کچلا، 2 بچوں سمیت 3 ہلاک

پنجاب کے ہوشیار پور ضلع کے حاجی پور قصبہ میں ایک دردناک سڑک حادثہ ہوا ہے ۔ یہاں گزشتہ رات تقریباً 10 بجے ایک تیز رفتار ٹرک نے سڑک کنارے کھڑے 4 لوگوں کو کچل دیا۔ اس میں دو معصوم بچوں سمیت تین لوگوں کی موت ہو گئی جبکہ ایک دیگر شخص شدید طور پر زخمی ہو گیا۔

اطلاع کے مطابق حاجی پور کے بالمیکی محلّہ کے باشندہ گورا نامی  شخص اپنے پانچ سالہ بھتیجے سمیر اور تین سالہ بھتیجی پری کے ساتھ اسکوٹی پر سوار ہو کر گول گپّے کھانے کے لیے نکلا تھا۔ گھر واپس ہوتے وقت وہ راستے میں اپنے دوست آکاش کے پاس رک گیا۔ چاروں سڑک کنارے کھڑے ہوکر بات چیت کر ہی رہے تھے کہ اچانک پیچھے سے آ رہے تیز رفتار ٹرک نے سبھی کو کچل دیا۔

اس دل دہلا دینے والے واقعہ میں آکاش، سمیر اور پری کی موقع پر ہی موت ہو گئی جبکہ گورا سنگین طور پر زخمی ہوگیا جسے علاج کے لیے پہلے مقامی اسپتال میں داخل کرایا گیا پھر اسے امرتسر کے لیے ریفر کر دیا گیا۔ اس کی حالت بھی نازک بتائی جا رہی ہے۔

حادثے کے بعد ٹرک ڈرائیور موقع سے فرار ہو گیا۔ وہیں پولیس نے فوری کارروائی کرتے ہوئے ٹرک کو ضبط کر لیا ہے اور ڈرائیور کی تلاش شروع کر دی ہے۔ حاجی پور پولیس نے واقعہ کا جائزہ لینے کے بعد مقدمہ درج کرلیا ہے۔ اس کے ساتھ ہی مہلوکین کی لاشوں کو دسہوا سول اسپتال میں پوسٹم مارٹم کے لیے بھیج دیا گیا۔

اس دردناک حادثہ کے بعد پورے محلے میں ماتم کا ماحول ہے۔ مرنے والے بچے اپنے ماں-باپ کی اکلوتی اولاد تھے، جس سے اہل خانہ کا رو رو کر بُرا حاصل رہا۔ مقامی لوگ بھی انتظامیہ سے مطالبہ کر رہے ہیں کہ ملزم ٹرک ڈرائیور کو جلد گرفتار کرکے سخت سخت دی جائے تاکہ مستقبل میں اس طرح کے واقعات پر قابو پایا جا سکے۔