پنجاب کنگز نے لکھنؤ سپر جائنٹس کو سات وکٹوں سے شکست دی، پلے آف کی امیدیں برقرار

پنجاب کنگز نے لکھنؤ سپر جائنٹس کو 7 وکٹوں سے شکست دی۔ کپتان شریاس ایر نے اپنے آئی پی ایل کیرئیر کی پہلی سنچری اسکور کی، جس سے پنجاب کو کرو یا مرو  میچ میں فتح حاصل ہوئی۔ اس جیت کے ساتھ ہی پنجاب کی پلے آف کی امیدیں زندہ ہیں۔ پنجاب کنگز کے اب 15 پوائنٹس ہیں، اور پلے آف میں ان کا راستہ بنیادی طور پر راجستھان بمقابلہ ممبئی میچ کے نتائج پر منحصر ہے۔

لکھنؤ کے ایکنا اسٹیڈیم میں کھیلے گئے میچ میں ایل ایس جی نے پہلے بیٹنگ کرتے ہوئے 196 رنز بنائے۔ جواب میں پنجاب نے ہدف 18 اوورز میں حاصل کر لیا۔ میچ جیتنے والا شاٹ کپتان شریاس ایرکی طرف سے آیا، جس نے چھکے سے پنجاب کی جیت کو یقینی بنایا اور 51 گیندوں میں اپنی پہلی سنچری بھی بنائی۔

پنجاب کنگز نے تمام 14 لیگ میچز کھیلے ہیں اور اب اس کے 15 پوائنٹس ہیں۔ ان کا نیٹ رن ریٹ +0.309 ہے۔ پنجاب کو اب پلے آف کے لیے کوالیفائی کرنے کے لیے کل کے میچوں کے نتائج کا انتظار کرنا ہوگا۔ پنجاب کو پہلے ممبئی انڈینس کے ہاتھوں راجستھان رائلز کی شکست کی امید کرنی ہوگی۔ پھر، انہیں امید کرنی ہوگی کہ اگر کولکتہ نائٹ رائڈرس دہلی کیپٹلز کو شکست دیتی ہے، تو ان کی جیت بڑے فرق سے نہیں ہوگی۔

شریاس ایرنے اپنے 12 سالہ آئی پی ایل کیریئر میں پہلی سنچری بنائی۔ انہوں نے لکھنؤ سپر جائنٹس کے خلاف 51 گیندوں پر 101 رنز بنائے۔ اس اننگز میں انہوں نے 11 چوکے اور 5 چھکے لگائے۔ شریاس نے اپنے آئی پی ایل کیریئر میں 32 نصف سنچریاں بھی اسکور کی ہیں۔

پربھسمرن سنگھ نے بھی لکھنؤ پر پنجاب کی جیت میں اہم کردار ادا کیا۔ انہوں نے 39 گیندوں پر 69 رنز کی قیمتی اننگز کھیلی۔ ان کی اننگز ایک ایسے وقت میں آئی جب پنجاب نے 22 کے اسکور پر دو وکٹ گنوائے تھے۔ پربھسمرن نے کپتان شریاس ایر کے ساتھ 140 رنز کی شراکت بھی کی۔