ابوظہبی: دہلی کیپٹلز کے کپتان شریئس ایر پر سنرائزرس حیدرآباد کے خلاف میچ میں سست اوور ریٹ کے لئے 12 لاکھ روپے کا جرمانہ عائد کیا گیا ہے۔ دہلی کیپٹلز اور سنرائزرس حیدرآباد کے مابین کھیلے گئے آئی پی ایل -13 کے 11 ویں میچ میں دہلی کو 15 رنز سے شکست کا سامنا کرنا پڑا اور میچ کے دوران دہلی کے کپتان شریئس آئیر کو سلو اوور ریٹ کی وجہ سے 12 لاکھ روپے جرمانہ عائد کیا گیا۔ آئی پی ایل نے اپنی پریس ریلیز میں واضح کیا ہے کہ آئیر کی زیرقیادت دہلی کیپیٹلز کی ٹیم نے آئی پی ایل کے کم سے کم اوور ریٹ کے قواعد کی خلاف ورزی کی ہے۔
Published: undefined
انڈین پریمیر لیگ کی پریس ریلیز کے مطابق اس سیزن میں دہلی کی یہ پہلی خلاف ورزی ہے لہٰذا آئیر پر 12 لاکھ روپے کا جرمانہ عائد کیا گیا۔اس سے قبل وراٹ کوہلی کو سست اوور ریٹ کے لئے بھی جرمانہ عائد کیا گیا تھا۔ اس میچ میں کنگز الیون پنجاب نے اپنی بیٹنگ کے دوران کئی چوکے اور چھکے لگائے تھے یہی وجہ ہے کہ پنجاب کی اننگز تقریباً 1 گھنٹہ 51 منٹ تک جاری رہی اور وراٹ کوہلی کو اس کا نقصان برداشت کرنا پڑا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined