آئی پی ایل 2020: چوٹی کی ٹیموں دہلی اور ممبئی کے بیچ چیلنجنگ مقابلہ

ابوظہبی: آئی پی ایل 13 میں شاندار کھیل کا مظاہرہ کرنے والی پوائٹ ٹیبل میں چوٹی کی دو ٹیموں دہلی کیپٹلز اور ممبئی انڈینز کے بیچ اتوار کے روزمداحوں کو آئی پی ایل مقابلے میں زبردست مقابلہ دیکھنے کو ملے گا۔ دہلی اور ممبئی نے اپنے پچھلے مقابلے جیتے ہیں۔ ممبئی نے راجستھان رائلز کو 57 رنز سے اور دہلی نے بھی راجستھان کو 46 رنز سے شکست دی۔ دہلی چھ میچوں میں پانچ جیت اور ایک شکست کے ساتھ پوائنٹس ٹیبل میں سرفہرست ہے، جبکہ ممبئی چھ میچوں میں چار جیت اور دو شکست کے ساتھ آٹھ پوائنٹس کے ساتھ دوسرے نمبر پر ہے۔

دہلی نے اب تک ٹورنامنٹ میں عمدہ کارکردگی کا مظاہرہ کیا ہے اور صرف ایک میچ میں اسے شکست کا سامنا کرنا پڑا ہے۔ دوسری جانب ممبئی نے سیزن کا پہلا میچ ہارنے کے بعد اپنی شاندار واپسی کرتے ہوئے اپنی فارم حاصل کی تھی۔ دونوں ٹیموں کے بیچ اتوار کے روز زبردست مقابلہ دیکھنے کو ملے گا جہاں ممبئی اور دہلی کے کھلاڑی اپنی شاندار کامیابی کا مظاہرہ کریں گے۔ دہلی نےآئی پی ایل میں اپنا پہلا خطاب حاصل کرنے کے ارادے سے آئی پی ایل میں مضبوط آغاز کیا ہے جبکہ دفاعی چیمپئن ممبئی نے اب تک خطاب کا دفاع کرتے ہوئے شاندار کارکردگی کا مظاہرہ کیا ہے۔ دونوں ٹیمیں بلے بازی اور گیندبازی میں عمدہ کارکردگی کا مظاہرہ کر رہی ہیں۔

دہلی کی طرف سے جہاں اس کے سلامی بلے باز شکھر دھون اور پرتھوی شا اسے اچھی شروعات دلا رہے ہیں۔ خاص طور پر ٹیم کے سب سے مضبوط کھلاڑی پرتھوی شاندار کارکردگی کا مظاہرہ کررہے ہیں۔ حالانکہ یہ جوڑی راجستھان کے خلاف بڑی شراکت قائم کرنے میں ناکام رہی تھی لیکن پچھلے ریکارڈوں کی بنیاد پر یہ سلامی جوڑی ممبئی کے لئے پریشانی کا سبب بن سکتی ہے۔

کپتان شریس ایئر بھی کولکتہ نائٹ رائیڈرز کے خلاف اپنی شاندار کارکردگی کا مظاہرہ کرچکے ہیں ایسے میں روہت شرما کی سربراہی میں ممبئی کو دہلی کے ٹاپ آرڈر کو جلد ہی نمٹانے کے بارے میں سوچنا ہوگا۔ مڈل آرڈر میں مارکس اسٹوئنس ، شمرون ہیتیمیر اور رشبھ پنت جیسے اہم کھلاڑی موجود ہیں جو آخری اوورز میں ٹیم کو برتری دلاسکتے ہیں۔ تاہم ، پنت کو اپنی ذمہ داری کو بخوبی نبھانے کی ضرورت ہے۔

دہلی کے تیزگیندباز کیگیسو ربادا پر ٹیم کی امیدیں ٹکی رہیں گی کہ وہ ممبئی کے بلے بازوں پر لگام لگا کر رکھیں۔ ربادا نے راجستھان کے خلاف 35 رنز دے کر تین وکٹیں حاصل کیں اور اس آئی پی ایل میں وہ چھ میچوں میں 15 وکٹیں لے کر سب سے آگے چل رہے ہیں۔ ممبئی کی بلے بازی ان کی سب سے بڑی طاقت ہے۔ کوئنٹن ڈی کاک، روہت اور سوریا کمار یادو نے راجستھان کے خلاف تیز اننگز کھیلی تھیں۔ آخری اوورز میں آل راؤنڈر کیرون پولارڈ اور ہاردک پانڈیا جارحانہ بلے بازی کرکے اسکور کو مضبوطی دے رہے ہیں ۔ پولارڈ اور پانڈیا کو روکنا دہلی کے لئے سب سے بڑا چیلنج ہوگا۔

ممبئی کے پاس جسپریت بُمراہ، ٹرینٹ بولٹ اور جیمز پیٹنسن کی شکل میں تین بہترین گیندباز ہیں جو دہلی کے سامنے پریشانی کا سبب بن سکتے ہیں۔ بمراہ نے اب تک 11، بولٹ نے 10 اور پیٹنسن نے نو وکٹیں حاصل کیں۔ دونوں ٹیمیں اس وقت دوسری ٹیموں کے لئے ایک بہت بڑا چیلنج ثابت ہو رہی ہیں۔ شریس ایئر کو آئی پی ایل کے کامیاب کپتان روہت کے چیلنج پرقابو پانا ہوگا جبکہ روہت کو بھی دہلی کی جیت کے سلسلے کو روکنے کے لئے سخت محنت کرنی ہوگی۔