آئی پی ایل 2020 کے چھٹے میچ میں کنگز الیون پنجاب نے رائل چیلنجرس بنگلور کو بہ آسانی 97 رنوں سے ہرا دیا ہے۔ پنجاب کے 206 رن کے مقابلے بنگلور نے 17 اوور میں اپنے سبھی وکٹ گنوا کر 109 رن بنائے۔ اس طرح سے دیکھا جائے تو وراٹ کوہلی کی پوری ٹیم نے مل کر جتنے رن بنائے اس سے کہیں زیادہ پنجاب کے کپتان کے ایل راہل (132 رن) نے بنائے تھے۔
Published: 24 Sep 2020, 7:09 PM IST
بنگلور کو پنجاب کے خلاف جیت کے لیے 207 رن بنانے ہیں، لیکن 13 اوور میں 83 رن پر ہی اس کے چھ وکٹ آؤٹ ہو چکے ہیں۔ اوپر کے سبھی ماسٹر بلے باز پویلین لوٹ چکے ہیں اور اس وقت واشنگٹن سندر اور اومیش یادو بلے بازی کر رہے ہیں۔
Published: 24 Sep 2020, 7:09 PM IST
پنجاب کے 206 رنوں کا پیچھا کرتے ہوئے بنگلور نے 6 اوور کے بعد 3 وکٹ کے نقصان پر 40 رن بنا لیے ہیں۔ تین وکٹ جلدی جلدی گرنے کے بعد اے بی ڈیویلیرس اور اور فنچ نے بہترین انداز میں کھیلنا شروع کر دیا ہے۔ خصوصی طور پر ڈیویلیرس نے کچھ بہترین شاٹ لگائے ہیں۔
Published: 24 Sep 2020, 7:09 PM IST
بنگلور کے کپتان وراٹ کوہلی محض ایک رن بنا کر شیلڈن کوٹریل کی گیند پر بشنوئی کو کیچ تھما بیٹھے۔ بنگلور کی ٹیم کے تین وکٹ محض 4 رن پر گر گئے ہیں اور ٹیم مشکل میں نظر آ رہی ہے۔ دوسری طرف پنجاب کے خیمہ میں خوشی کی لہر ہے۔
Published: 24 Sep 2020, 7:09 PM IST
پنجاب کے 206 رنوں کا پیچھا کرنے اترے بنگلور کے بلے باز لڑکھڑاتے ہوئے نظر آ رہے ہیں۔ 2 اوور میں ہی ٹیم کے دو بلے باز آؤٹ ہو گئے ہیں۔ کوٹریل کے پہلے اوور میں پچھلے میچ میں بہترین بلے بازی کرنے والے پڈکل آؤٹ ہو گئے اور پھر محمد شامی کے پہلے اوور میں نئے بلے باز فلپ بھی پویلین لوٹ گئے۔ دو وکٹ محض 3 رن کے اسکور پر گر گئے۔
Published: 24 Sep 2020, 7:09 PM IST
کنگز الیون پنجاب کے کپتان کے ایل راہل کی دھواں دھار 132 رنوں کی اننگ کی بدولت ٹیم 20 اوور میں 206 رن بنانے میں کامیاب ہوئی۔ اب بنگلور کو جیتنے کے لیے 207 رن بنانے ہوں گے، حالانکہ بنگلور کی بیٹنگ لائن اَپ بہت اچھی ہے اور یہ میچ کافی دلچسپ ثابت ہونے کا امکان ہے۔
Published: 24 Sep 2020, 7:09 PM IST
کپتان کے ایل راہل کی ناٹ آؤٹ 70 رنوں کی پاری کی بدولت پنجاب نے 15 اوور میں 2 وکٹ کے نقصان پر 126 رن بنا لیے ہیں۔ پنجاب کی ٹیم بنگلور کے خلاف بڑے رن کی طرف بڑھتی ہوئی نظر آ رہی ہے۔ چونکہ پنجاب کے پاس طویل بیٹنگ لائن اَپ ہے اس لیے آخر کے پانچ اووروں میں رنوں کی بارش دیکھنے کو مل سکتی ہے۔
Published: 24 Sep 2020, 7:09 PM IST
بہترین شروعات ملنے کے بعد پنجاب نے 10 اوور میں 90 رن بنا لیے ہیں اور اس کا صرف ایک وکٹ آؤٹ ہوا ہے۔ مینک اگروال 26 رن بنا کر چہل کا شکار ہو گئے تھے لیکن اس کے بعد کپتان کے ایل راہل اپنی تیز بلے بازی جاری رکھے ہوئے ہیں۔ ان کا ساتھ دینے کے لیے نکولس پورن آئے ہیں اور وہ فی الحال سنبھل کر کھیل رہے ہیں۔
Published: 24 Sep 2020, 7:09 PM IST
کنگز الیون پنجاب کے سلامی بلے باز کے ایل راہل اور مینک اگروال نے رائل چیلنجرس بنگلور کے خلاف بہترین بلے بازی کا مظاہرہ کرتے ہوئے 6 اوور میں 50 رن بنا لیے ہیں۔ ایک طرف کپتان راہل 18 گیندوں پر 23 رن بنا کر کھیل رہے ہیں اور دوسری طرف مینک اگروال 18 گیندوں پر 25 رن بنا کر ناٹ آؤٹ ہیں۔
Published: 24 Sep 2020, 7:09 PM IST
رائل چیلنجرس بنگلور کے خلاف کنگز الیون پنجاب نے سنبھل کر کھیلتے ہوئے اچھی شروعات کی ہے۔ امیش یادو کے پہلے اوور میں جہاں 8 رن بنے وہیں ڈیل اسٹین کے دوسرے اوور میں 9 رن آئے۔ اس طرح سے دو اوور میں بغیر کوئی وکٹ گنوائے پنجاب میں 17 رن بنا لیے ہیں۔
Published: 24 Sep 2020, 7:09 PM IST
رائل چیلنجرس بنگلورو (آر سی بی) کی ٹیم میں آج وہی گیارہ کھلاڑی کھیل رہے ہیں جو حیدر آباد کے خلاف میدان میں اترے تھے۔ دوسری طرف پنجاب نے گزشتہ میچ کے مقابلے دو تبدیلی کی ہے۔ جارڈن اور گوتم کی جگہ پر نیشم اور ایم. اشون کھیل رہ ہیں۔
Published: 24 Sep 2020, 7:09 PM IST
بنگلور کے کپتان وراٹ کوہلی نے ٹاس جیت کر پنجاب کو دی بلے بازی کی دعوت
Published: 24 Sep 2020, 7:09 PM IST
آئی پی ایل سیزن 13 کے چھٹے مقابلے میں آج رائل چیلنجرس بنگلور (آر سی بی) کے کپتان وراٹ کوہلی نے ٹاس جیت کر کنگز الیون پنجاب کو بلے بازی کی دعوت دی ہے۔ امید کی جا رہی ہے کہ ایک بار پھر پنجاب کے کپتان لوکیش راہل سلامی بلے باز کے طور پر میدان میں آئیں گے اور ان کا ساتھ دیں گے مینک اگروال۔ پنجاب کے لیے یہ میچ کافی اہم ہے کیونکہ پہلا میچ وہ دہلی کیپٹلز کے خلاف سپر اوور میں ہار گئے تھے۔
Published: 24 Sep 2020, 7:09 PM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 24 Sep 2020, 7:09 PM IST