’سوال 65 لاکھ ووٹرس کا ہے‘، اے ڈی آر کے بانی جگدیپ سنگھ چھوکڑ کا خصوصی انٹرویو

جو یہ کر رہے ہیں، وہی جانیں۔ مجھے یہ لگ رہا ہے کہ یہ جو ہو رہا ہے، اس کے ارادے نیک نہیں ہیں۔

مجھے نہیں پتہ کیا سوچ ہے۔ لیکن ہمارے یہاں جو انتخابی عمل ہے، اس کی پاکیزگی ضرور ختم ہو رہی ہے۔

فائدہ ہوگا، اسی لیے تو ہم نے لسٹ مانگی ہے۔ کیا فائدہ ہوگا، وہ تب پتہ لگے گا جب جانکاری سامنے آئے گی۔ الیکشن کمیشن جانکاری تو دیتا ہے، لیکن وہ پوری جانکاری نہیں دیتا ہے۔ جب کم جانکاری وہتی ہے تو لگتا ہے کہ یہ ٹھیک نہیں ہے، ہمیں مزید کچھ جانکاری چاہیے۔ یہی کھیل چلتا رہتا ہے۔ لوگوں کو کم از کم یہ پتہ تو ہونا چاہیے کہ ان کا نام کیوں کٹا ہے؟ جو انھوں نے ابھی تک لسٹ جاری کی ہے 65 لاکھ کی، اس میں یہ نہیں لکھا کہ کس کا نام کیوں کٹا۔ بس یہ لکھا ہے کہ ان کے نام کٹ گئے ہیں۔

ہم سے سپریم کورٹ نے کہا کہ آپ 15 لوگ ایسے لائیے جن کے نام اس وجہ سے کٹے ہوں کہ ان کا انتقال ہو گیا ہے، جبکہ وہ زندہ ہیں۔ ابھی جو لسٹ ہے اس سے نام کٹنے کی وجہ پتہ نہیں لگتی۔

نام کاٹنا ایک قانونی عمل ہے۔ اس میں نوٹس دینا پڑتا ہے۔ آدمی کو پیش ہو کر اپنی بات کہنے کا موقع دینا پڑتا ہے۔ وہ تو انھوں نے کیا نہیں، بس نام کاٹ دیے۔ ہم ان سے آگے پوچھیں گے کہ آپ نے کس کس کو نوٹس دیا؟ کیا نوٹس دیا؟ اور جو مر گئے ہیں، ان کو لے کر کیا طریقۂ کار اختیار کیا گیا؟ جانکاریاں ملیں تو پھر کئی باتیں سامنے آئیں گی۔

اب مجھے کیا پتہ کہاں غائب ہو گئے۔ یہ تو جنھوں نے غائب کیا، وہی بتائیں گے۔ عام طور پر ہر سال ووٹر لسٹ میں لوگ بڑھتے ہیں، کیونکہ نئے لوگ 18 سال کے ہو جاتے ہیں۔ ملک میں زندہ لوگوں کی تعداد بڑھ رہی ہے۔ شرح پیدائش یہاں شرح اموات سے زیادہ ہے۔ اسی لیے ہر سال نئے ووٹر بنائے جاتے ہیں۔ پہلے ان کا جشن بھی منایا جاتا تھا۔ اب تو ایسا لگتا ہے کہ مرنے والوں کو لے کر جشن منایا جا رہا ہے۔ کسی سے میں نے یہ بھی سنا کہ پہلے ووٹر حکومت کا انتخاب کرتے تھے، اب حکومت ووٹروں کا انتخاب کر رہی ہے۔ اگر یہی حال رہا تو حکومت منتخب کرے گی کہ ووٹ کون کر سکتا ہے؟ سپریم کورٹ طے کرے گی کہ سچا ہندوستانی کون ہے؟ اور ہم صرف دیکھتے رہیں گے۔

6 مہینے میں 25-22 لاکھ لوگ مر گئے۔ 37 لاکھ وہاں سے باہر چلے گئے۔ اس سے تو کچھ ہی وقت میں بہار سنسان ہو جائے گا۔

بوتھ لیول ایجنٹ کا تو اس کام میں ہونا ہی قانونی طور پر غلط ہے۔ پہلے لوگ یہ کہا کرتے تھے کہ ووٹر لسٹ میں سیاسی پارٹیوں نے اپنے ووٹر بھر دیے۔ اب الیکشن کمیشن ان کو کہہ رہا ہے کہ اپنے ووٹر بھرو۔ سیاسی پارٹیوں کو یہ کام سونپنا الیکشن کمیشن کا اپنے کام سے ہاتھ جھاڑنا ہے۔ یہ جو سارا کام الیکشن کمیشن پارٹیوں کو دے رہا ہے، اس کا مطلب ہے کہ الیکشن کا شہریوں سے اب کوئی تعلق نہیں رہ گیا ہے۔ میرا الیکشن کمیشن سے سیدھا رشتہ ہے۔ سیاسی پارٹیوں کو اس نے اب میرا ٹھیکیدار کیوں بنا دیا؟ ہندوستانی آئین میں تو سیاسی پارٹی لفظ ہی نہیں تھا۔ یہ لفظ تو تب آیا جب دَل بدل مخالف قانون بنا۔ ہر بار یہ کہا جاتا تھا کہ سیاسی پارٹیوں نے ووٹر لسٹ میں فرضی ووٹر جوڑ دیے۔ اب یہ ان سے کہہ رہے ہیں کہ تم ووٹر جوڑو۔

ان کو اسے دینے میں کوئی دقت نہیں ہونی چاہیے۔ سابق چیف الیکشن کمشنر راجیو کمار کہا کرتے تھے کہ ہمارے تو 3 اصول ہیں– ڈسکلوزر، ڈسکلوزر، ڈسکلوزر۔ ایسا ہے تو آپ دے دیجیے۔

اب تو یہ جو ووٹر لسٹ کا مسودہ دے رہے ہیں، اس کو آپ اسکین بھی نہیں کر سکتے۔ آپ وہاں کاغذ کو رکھیے اسکین پر تو خالی آتا ہے۔ کسی طریقے سے انھوں نے اس کی اسکیننگ نہ ہو سکے، اس کا بھی انتظام اس میں کر دیا گیا ہے۔ جانکاری دینے میں پتہ نہیں کیوں ان کا دَم نکلتا ہے۔

اس پر کہتے ہیں کہ ہم شفافیت پسند ہیں۔ ان کی یہ شفافیت تو سبھی کو نظر آ رہی ہے۔ اسی لیے ان پر شبہ ہوتا ہے۔ ہر چیز کا انکشاف کر کے آپ بحث کرتے رہیے، سب لوگوں کو بتاتے رہیے، پھر کوئی شبہ نہیں ہوگا۔