فیڈرل ریزرو کے چیئرمین پر ٹرمپ کے بیان سے امریکی شیئر بازار میں کھلبلی، 1000 پوائنٹس کی گراوٹ

ڈونالڈ ٹرمپ نے جب سے امریکہ میں اقتدار سنبھالا ہے تب سے انہوں نے اپنے فیصلوں اور بیانوں سے پوری دنیا میں ہلچل سی پیدا کر دی ہے۔ ٹرمپ کی مسلسل کارروائیوں اور پابندیوں سے کئی ملکوں میں امریکہ کے تئیں شدید ناراضگی دیکھی جا رہی ہے۔ یہی نہیں امریکی صدر کو اپنے ملک میں بھی لوگوں کے احتجاج کا سامنا کرنا پڑ رہا ہے۔ اس دوران ڈونالڈ ٹرمپ نے ایک ایسا بیان دے دیا ہے جس سے امریکی اسٹاک مارکیٹ میں کھلبلی مچ گئی ہے۔ دراصل انہوں نے فیڈرل ریزرو کے چیئرمین جیروم پاویل پر نشانہ سادھتے ہوئے ان کے متبادل پر غور کرنے کی بات کہہ دی ہے۔

وائٹ ہاؤس کے اقتصادی صلاح کار کیون ہیسٹ نے کہا کہ ٹرمپ پاویل کو ہٹانے کے لیے متبادل پر غور کر سکتے ہیں۔ فیڈریل ریزو کے چیئرمین پر آئے اس بیان کے بعد یو ایس اسٹارک مارکیٹ میں بھاری گراوٹ درج کی گئی۔ سرمایہ کاروں کو لگ رہا ہے کہ ٹرمپ کے اس طرح کے بیان سے سینٹرل بینک کی خود مختاری خطرے میں پڑ سکتی ہے جبکہ پہلے ہی جنگ کے خدشہ کے پیش نظر بازار میں دباؤ ہے۔

ٹرمپ کے بیان کے بعد ’ڈا جونس انڈسٹریل ایوریج‘ میں 1053 پوائنٹس کی گراوٹ ہوئی اور یہ 38089.14 پر پہنچ گیا جبکہ ایس اینڈ پی 500 میں 145 اور Nasdaq میں 499 پوائنٹس کی گراوٹ درج کی گئی ہے۔

سوئس کوٹ بینک کے تجزیہ کار ایپیک اوجکارڈیسکایا نے اس سلسلے میں کہا کہ اب سوال یہ ہے کہ کیا پاویل کو نکالا جا سکتا ہے۔ حالانکہ ٹرمپ کے پاس وہ اختیار نہیں ہے لیکن بازار اس سے غیر مستحکم ہو سکتے ہیں۔

وہیں امریکہ اور ایران کے درمیان مذاکرات میں پیش رفت کے اشارے سے یپر کو تیل کی قیمتوں میں 2 فیصد سے زیادہ کی گراوٹ آئی۔ برینٹ کروٹ وعدہ جمعرات کو 3.2 فیصد کی سبقت کے ساتھ بند ہونے کے بعد 1230 جی ایم ٹی تک 1.54 ڈالر یا 2.3 فیصد گراوٹ کے ساتھ 66.42 ڈالر فی بیرل پر آ گیا۔ یو ایس ویسٹ ٹیکساس انٹرمیڈیٹ کروڑ 1.58 ڈالر یا 2.4 فیصد کی گراوٹ کے ساتھ 63.10 ڈالر فی بیرل پر تھا۔