امریکی صدر ڈونلڈ ٹرمپ
ٹرمپ حکومت نے امریکہ میں مقیم غیر ملکی شہریوں کے لیے نیا اصول نافذ کر دیا ہے۔ نئے اصول کے مطابق امریکہ میں 30 دنوں سے زیادہ سے رہ رہے غیر ملکی شہریوں کو خود کو رجسٹر کرانا ہوگا۔ اگر وہ ایسا کرنے میں ناکام رہتے ہیں تو ان پر جرمانہ لگایا جا سکتا ہے یا پھر جیل بھی جانا پڑ سکتا ہے۔ ساتھ ہی انہیں ملک سے بے دخل بھی کیا جا سکتا ہے۔
Published: undefined
ہوم لینڈ سیکیورٹی ڈیپارٹمنٹ کے نئے حکم کے مطابق 30 دنوں سے زیادہ وقت تک امریکہ میں رہنے والے غیر ملکی شہریوں کو وفاقی حکومت کے ساتھ خود کو رجسٹر کرانا ہوگا۔ ایسا نہ کرنے کی صورت میں اسے ایک جرم تصور کیا جائے گا۔ واضح ہو کہ ڈونلڈ ٹرمپ کے امریکی صدارتی عہدے پر فائز ہونے کے بعد سے ہی امریکہ میں غیر قانونی طور پر رہنے والے لوگوں کے خلاف حکومت سخت کارروائی کر رہی ہے۔
Published: undefined
ہوم لینڈ سیکیورٹی کے مطابق صدر ٹرمپ کا واضح حکم ہے کہ جو بھی غیر قانونی طور پر امریکہ میں رہ رہے ہیں یا تو وہ خود ہی ملک سے نکل جائے یا خود کو ڈی پورٹ کر لیں۔ ہوم لینڈ سیکیورٹی نے سوشل میڈیا پلیٹ فارم ’ایکس‘ امریکی صدر ڈونلڈ ٹرمپ اور امریکی ہوم لینڈ سیکیورٹی سیکریٹری کرسٹی نوم کو ٹیگ کرتے ہوئے پوسٹ کیا۔ پوسٹ میں انہوں نے لکھا کہ ’’اگر آپ کو بے دخلی کا حتمی حکم مل گیا ہے اور اس کے بعد بھی آپ امریکہ نہیں چھوڑتے ہیں تو آپ کو یومیہ 998 ڈالر جرمانہ ادا کرنا پڑے گا۔ امریکہ سے خود کو بے دخل کرنے میں ناکام ہونے پر 1000 سے 5000 ڈالر کے درمیان جرمانہ ادا کرنا ہوگا یا پھر جیل بھی جانا پڑ سکتا ہے۔‘‘
Published: undefined
واضح ہو کہ ٹرمپ حکومت کا یہ فیصلہ براہ راست ان لوگوں کو متاثر نہیں کرے گا جو ایچ-1بی یا اسٹوڈنٹ پرمٹ جیسے ویزے پر امریکہ میں رہ رہے ہیں۔ اس کے علاوہ دیگر غیر ملکی شہریوں پر یہ اصول نافذ ہوگا۔ لیکن اگر کوئی شخص ایچ-1بی ویزا پر ملازمت کھو دیتا ہے اور مقررہ وقت کے اندر ملک چھوڑ کر نہیں جاتا ہے تو اسے کارروائی کا سامنا کرنا پڑ سکتا ہے۔ اس نئے اصول کی وجہ سے اب طالب علموں اور ایچ-1بی ویزا والوں کو قبل از وقت ہی کاغذی کارروائی مکمل کرنی ہوگی۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined