چین میں فٹبال کے بعد اب روبوٹس بھی باکسنگ رنگ میں کریں گے مکے بازی

ڈیجیٹل دنیا میں مسابقت حاصل کرنے کے لیے نئے نئے تجربات کئے جانے کا سلسلہ جاری ہے جس میں جدید ٹکنالوجی کے ذریعہ انسان کی جگہ روبوٹ پر بھی بھروسہ کیا جانے لگا ہے۔ ان حالات میں عنقریب فٹبال کے بعد چین میں روبوٹ کو بھی باکسنگ رنگ میں مکے بازی کرتے ہوئے دیکھ سکیں گے۔

خبروں کے مطابق چین کے صوبہ شینزین میں فری ہیومنائیڈ روبوٹ کامبیٹ لیگ کا آغاز کر دیا گیا ہے۔ ’الٹیمیٹ روبوٹ ناک آؤٹ لیگ‘ کہلانے والی اس لیگ میں روبوٹس آپس میں ایک دوسرے سے مقابلہ کریں گے۔ اس لیگ کے فاتح کو گولڈ چیمپئن بیلٹ دی جائے گی جس کی قیمت 1.44 ملین ڈالر (تقریباً 13 کروڑ روپے) ہے۔ یہ رقم ایونٹ آرگنائزر کے ذریعہ دی جائے گی۔ اس میچ میں روبوٹ ایک دوسرے پر مکے برساتے نظرآئیں گےاور ان کے اوپر کک لگائیں گے۔

لیگ میں حصہ لینے والوں کو اپنے روبوٹس کو تربیت دینا ہوگی، جس کے لیے ان کو مفت میں ’انجن اے آئی‘ کا ٹی 800 روبوٹ دیا جائے گا۔ ماہرین کے مطابق چین اس لیگ کے ذریعے اپنی جدید ٹیکنالوجی کی نمائش کرے گا۔ اس کے ساتھ ہی اس لیگ کے تحت مقابلہ رواں سال دسمبر تک جاری رہے گا۔

انجن اے آئی نے ٹی 800 ہیومنائیڈ کو گزشتہ سال دسمبر کے اوائل میں لانچ کیا تھا۔ ویڈیوز میں دکھایا جاچکا ہے کہ ان روبوٹس کی حرکات اور کارکردگی کتنی صاف اور بہترین ہے۔ گزشتہ سال چین میں ہیومنائیڈ روبوٹس کی ٹیموں کے درمیان فٹ بال میچ کا انعقاد کیا گیا جاچکا ہے۔ یہ فری ہیومنائیڈ روبوٹ تھے، جو اپنے شاٹ کے فیصلے خود لے رہے تھے۔ اس میچ کے دوران روبوٹ ورکرز زخمی روبوٹس کو اٹھانے کے لیے میدان میں اتررہے تھے۔ لوگوں نے ان روبوٹس کے ساتھ سیلفیاں بھی لیں۔