فیفا عالمی کپ: ’پٹھان' کی اداکارہ دیپیکا پاڈوکون نے ٹرافی کی نقاب کشائی کر کے رقم کی تاریخ

فیفا عالمی کپ کی ٹرافی کی نقاب کشائی کی۔ قطر کے لوسیل اسٹیڈیم میں ارجنٹائن اور فرانس کے درمیان میچ ہوا تو بالی ووڈ اداکارہ دیپیکا پڈوکون کی موجودگی نے بھی اس میچ کو خاصۃ بنا دیا۔ درحقیقت دیپیکا پاڈوکون پہلی ہندوستانی ہیں جنہوں نے فیفا ٹرافی کی نقاب کشائی کی ہے۔

سپراسٹار اور ہندوستان کی سب سے بڑی عالمی سفیر دیپیکا پاڈوکون فیفا ورلڈ کپ ٹرافی کو خصوصی طور پر کمیشن شدہ ٹرک کے ذریعہ لوسیل اسٹیڈیم میں پہنچیں اور وہاں اس کی نقاب کشائی کی۔ 6.175 کلوگرام وزنی اور 18 قیراط سونے اور ملاکائٹ سے بنی، صرف چند ہی منتخب افراد ہی ٹرافی کو چھو سکتے ہیں اور تھام سکتے ہیں۔ اس میں سابق فیفا ورلڈ کپ کے فاتح اور سربراہان مملکت شامل ہیں۔ ایسے میں بالی ووڈ اداکارہ دیپیکا پاڈوکون سمیت پورے ہندوستان کے لیے یہ ایک بہت ہی خاص لمحہ بن گیا۔ ٹرافی کی رونمائی کے دوران، دیپیکا ایک ہسپانوی فٹبالر آئکر کیسیلاس کے ساتھ داخل ہوئیں اور یہ لمحہ بھی جوش و خروش سے بھرپور تھا۔

سفید قمیض، براؤن اوور کوٹ، بلیک بیلٹ اور اپنی بلین ڈالرز کی مسکراہٹ میں ملبوس دیپیکا پاڈوکون تقریب میں پرکشش نظر آئیں۔ دیپیکا کے اس روپ نے مداحوں کو کافی متاثر کیا اور اداکارہ کی خوب تعریف کی جا رہی ہے۔ اس دوران کھچا کھچ بھرے اسٹیڈیم میں موجود شائقین بھی 'پٹھان' کی اداکارہ کو اپنے کیمروں میں کلک کرنے کے لیے بے چین نظر آئے۔ واضح رہے ہندوستانی فلم پٹھان جو جنوری میں ریلیز ہونی ہے اس میں اداکارہ دیپیکا پاڈوکون کے ذریعہ بھگوا رنگ کے کپڑے پہننے کو لے کر کافی ہنگامہ مچا ہوا ہے۔

اپنے کیریئر کے دوران، سپر اسٹار دیپیکا پاڈوکون کے ذریعہ اپنے ملک ہندوستان کو فخر کرنے کی بہت سی وجوہات ہیں۔ اداکارہ، پروڈیوسر، کاروباری اور ذہنی صحت کی وکیل نے اپنی عالمی کامیابی کی ٹوپی میں ایک اور پنکھ کا اضافہ کیا ہے۔

باوقار کانز فلم فیسٹیول میں ہندوستان کی نمائندگی کرنے سے لے کر، جہاں وہ جیوری کی رکن بنیں، دنیا کی 10 سب سے خوبصورت خواتین کی فہرست میں واحد ہندوستانی، دیپیکا پاڈوکون کے پاس بے پناہ عالمی اپیل ہر گزرتے دن کے ساتھ بڑھ رہی ہے۔ دیپیکا پاڈوکون بھی واحد ہندوستانی ہیں جنہیں لگژری برانڈز اور یہاں تک کہ پاپ کلچر برانڈز کے لیے عالمی چہرہ کے طور پر چنا گیا ہے۔