سنیتا اگلی زندگی میں گووندا کی بیوی نہیں بننا چاہتی، انہوں نے اعتراف کیا کہ وہ اچھے شوہر نہیں ہیں!

اداکار گووندا کی اہلیہ سنیتا آہوجا  ہر معاملے پر کھل کر بولتی ہیں۔ حال ہی میں، انہوں نے اپنی شادی کے بارے میں کھل کر بات کی اور یہ بھی بتایا کہ ان کا اور گووندا کا سفر کیسا رہا ہے۔پنک ولا کے ساتھ ایک انٹرویو میں سنیتا آہوجا نے اپنے شوہر کی غلطیوں پر غور کرتے ہوئے کہا، "آپ کو اپنا خیال رکھنا چاہیے۔ لوگ جوانی میں غلطیاں کرتے ہیں، میں نے بھی کی ہیں اور گووندا نے بھی کی ہیں۔ لیکن جب آپ ایک خاص عمر کو پہنچ جائیں تو آپ کو  غلطیاں کرنا اچھا نہیں لگتا ۔ اور آپ ایسا کیوں کریں؟ آپ کا ایک خوبصورت خاندان ہے، آپ کی بیوی اور خوبصورت بچے ہیں، تو کیوں؟"

جب سنیتا آہوجا سے پوچھا گیا کہ کیا انہوں نے کبھی گووندا سے اس بارے میں بات کی ہے، تو انہوں نے کہا، "اس کی سوچ مختلف ہے، میری سوچ مختلف ہے۔ میں آج زندہ ہوں کیونکہ میں اپنے بچوں سے بہت پیار کرتی ہوں، میرا ماننا ہے کہ میرے بچوں کو صرف مجھ سے ہی پیار کرنا چاہیے۔ جب ٹینا چھوٹی تھی تو میں اس سےاس لئے ناراض ہو جاتی تھی کہ اگر میں اس سے پوچھتی تھی کہ وہ اپنے باپ سے پیار کرتی ہے یا مجھ سے، تو وہ بھی اپنے والد کا انتخاب کرتی ۔" سنیتا نے مزید کہا، "میں اور میرا بیٹا بہت قریب ہیں، میری زندگی میں کوئی دوست نہیں ہے۔ یش مجھے باہر ڈنر پر لے جاتا ہے، اور ٹینا بھی مجھے لے جاتی ہے۔ میں دوستی پر یقین نہیں رکھتی۔"

اپنے شوہر کے بارے میں بات کرتے ہوئے سنیتا نے کہا، "دیکھو، وہ (گووندا) ایک ہیرو ہیں۔ میں اس کے بارے میں کیا کہوں؟ وہ بیویوں کے مقابلے ہیروئن کے ساتھ زیادہ وقت گزارتا ہے۔ ایک اسٹار کی بیوی بننے کے لیے آپ کو بہت مضبوط عورت ہونا ضروری ہے۔ آپ کا دل پتھر کا ہونا چاہیے۔" مجھے یہ سمجھنے میں 38 سال لگے۔ جب میں جوان تھی تو میں اسے سمجھ نہیں پائی ۔'

جب ان سے پوچھا گیا کہ کیا وہ اپنی اگلی زندگی میں گووندا کو اپنے شوہر کے طور پر چاہتی ہیں تو سنیتا نے کہا، "میں اسے نہیں چاہتی۔ میں نے اسے پہلے ہی بتا دیا تھا۔ گووندا ایک بہت اچھا بیٹا ہے، بہت اچھا بھائی ہے، لیکن اچھا  شوہر نہیں ہے۔ آپ کی اگلی زندگی میں آپ کو میرے بیٹے کے طور پر پیدا ہونا چاہیے، لیکن میں انہیں اپنے شوہر کے طور پر نہیں چاہتی۔ ایک ساتھ رہنے کو بھول جاؤ، یہ زندگی کافی ہے۔" واضح رہے کہ اداکار گووندا اور ان کی اہلیہ سنیتا آہوجا نے 1987 میں خفیہ شادی کرنے کے بعد تین دہائیوں سے زائد عرصے سے ایک اچھے میاں بیوی ہیں۔