آئرلینڈ، انگلینڈ اور ایشین گیمز کے لیے ہندوستانی ٹیم کا اعلان، سوریہ کمار کی ہوئی چھٹی، شریئس بنے کپتان، ویبھو کو ملا موقع

بھارتی کرکٹ کنٹرول بورڈ (بی سی سی آئی) نے آئر لینڈ، انگلینڈ کے خلاف ہونے والی ٹی20 سیریز کے ساتھ ہی ایشین گیمس کے لیے ہندوستانی ٹیم کا اعلان کردیا ہے۔ شریئس ایئر کو ٹی 20 کا نیا کپتان مقرر کیا گیا ہے وہیں سوریہ کمار یادو کو ٹیم میں جگہ نہیں ملی ہے، اس کے علاوہ تلک ورما نائب کپتان بنائے گئے ہیں۔ 15 سالہ ویبھو سوریہ ونشی کو پہلی بار قومی ٹیم میں جگہ ملی ہے، انہیں تینوں اسکواڈ میں شامل کیا گیا ہے۔ اطلاعات کے مطابق آئر لینڈ کے خلاف ہندوستانی اسکواڈ میں شریئس آئیر (کپتان)، ابھیشیک شرما، سنجو سیمسن، ایشان کشن، شیوم دوبے، تلک ورما، نتیش کمار ریڈی، اکشر پٹیل، واشنگٹن سندر، ورون چکرورتی، روی بشنوئی، محمد سراج، ہرشت رانا، ارشدیپ سنگھ، پرنس یادو، ویبھو سوریہ ونشی کو شامل کیا گیا ہے۔

وہیں انگینڈ کے خلاف ٹی 20 کے لیے شریئس آئیر (کپتان)، تلک ورما (نائب کپتان)، روی بشنوئی، ابھیشیک شرما، نتیش کمار ریڈی، محمد سراج، سنجو سیمسن، اکشر پٹیل، ہرشت رانا، ایشان کشن، واشنگٹن سندر، ارشدیپ سنگھ، شیوم دوبے، ورون چکرورتی، پرنس یادو، ویبھو سوریہ ونسشی منتخب کیا گیا ہے۔

ایشین گیمز کے لیے ہندوستانی اسکواڈ میں شریئس آئیر (کپتان)، تلک ورما (نائب کپتان)، روی بشنوئی، ابھیشیک شرما، نتیش کمار ریڈی، جسپریت بمراہ، سنجو سیمسن، اکشر پٹیل، ہرشت رانا، ایشان کشن، واشنگٹن سندر، ارشدیپ سنگھ، شیوم دوبے، ورون چکرورتی، ویبھو سوریہ ونشی شامل ہوں گے۔

معلوم ہو کہ افغانستان کے خلاف ون ڈے سیریز کے بعد ہندوستانی ٹیم 2 میچوں کی ٹی 20 سیریز کے لیے آئرلینڈ کا دورہ کرے گی۔ پہلا میچ 26 جون اور دوسرا 28 جون کو کھیلا جائے گا۔ دونوں میچ بیلفاسٹ میں کھیلے جائیں گے۔ آئرلینڈ کے بعد ہندوستانی ٹیم انگلینڈ کا دورہ کرے گی، جس کا آغاز 5 ٹی20 میچوں کی سیریز سے ہوگا۔ پہلا ٹی 20 یکم جولائی کو ریور سائیڈ گراؤنڈ میں کھیلا جائے گا۔ یہ میچ ہندوستانی وقت کے مطابق رات 10:00 بجے شروع ہوگا۔

 شیڈیول کے مطابق یہ 5 میچ یکم جولائی کو ریور سائیڈ گراؤنڈ (رات 10:00 بجے سے)، 4 جولائی کو اولڈ ٹریفورڈ کرکٹ گراؤنڈ (شام 7:00 بجے سے)، 7 جولائی کو ٹرینٹ برج (رات 10:00 بجے سے)، 9 جولائی کو گلوسٹر شائر (رات 10:00 بجے سے) اور 11 جولائی کو دی ایجز باؤل (شام 7:00 بجے سے) کھیلے جائیں گے۔ بڑی خبر یہ ہے کہ سوریہ کمار یادو سے ٹی ٹوئنٹی کی کپتانی چھین لی گئی ہے اور انہیں ٹیم میں بھی شامل نہیں کیا گیا ہے۔ سوریہ کو ہٹانے کا فیصلہ بی سی سی آئی کی اپیکس کونسل کمیٹی کی میٹنگ میں کیا گیا تھا، اس کا باقاعدہ اعلان ہفتے کے روز کیا گیا۔ انگلینڈ کے خلاف ون ڈے سیریز کے لیے ٹیم کا اعلان بعد میں کیا جائے گا۔