ٹیم انڈیا کے کھلاڑی محمد سراج کے والد کا انتقال

نئی دہلی: ہندوستان کی کرکٹ ٹیم کے تیز گیند باز محمد سراج کے والد کا جمعہ کے روز انتقال ہو گیا۔ سراج اس وقت ہندوستانی ٹیم کے ساتھ آسٹریلیائی سیریز کے سلسلے میں سڈنی میں ہیں۔ سراج آئی پی ایل میں رائلز چیلنجرز بنگلور کی جانب سے کھیلتے ہیں۔ ٹیم انڈیا نے سراج کے والد کے انتقال پر افسوس کا اظہار کیا ہے۔

رائل چیلنجرز بنگلور (آر سی بی) نے ٹویٹ کیا ’’ہماری تعزیت محمد سراج اور ان کے اہل خانہ کے ساتھ ہیں۔ بنگلور کی پوری ٹیم اس مشکل وقت میں آپ کے ساتھ ہے۔ آپ مضبوط رہیں‘‘۔

حیدرآباد میں پیدا ہونے والے تیز گیند باز سراج نے حال ہی میں اختتام پذیر آئی پی ایل ۔ 13 میں بنگلور کے لئے نو میچ کھیلے جس میں انہوں نے 8.68 کی اکانومی شرح سے 11 وکٹیں حاصل کی تھیں۔ ہندستان کو آسٹریلیا کے ساتھ تین ون ڈے، تین ٹی-20 اور چار میچوں کی ٹیسٹ سیریز کھیلنی ہے۔ دونوں ٹیموں کے درمیان سیریز کا آغاز27 نومبرسے سڈنی میں یک روز ہ میچ سے ہوگا۔