ہندستان کے سابق اوپنر گوتم گمبھیر نے سابق کپتان مہندر سنگھ دھونی کے ساتھ اپنی یادوں کو تازہ کرتے ہوئے کہا کہ کس طرح دونوں سیریز کے دوران ایک کمرے میں رہتے تھے۔
Published: undefined
گمبھیر نے کہا کہ ہم ان دنوں ایک ماہ سے زیادہ کمرے میں رہتے تھے اور اس وقت ہم بالوں پر بات چیت کرتے تھے۔ اس وقت دھونی کے لمبے لمبے بال تھے اور ہم اس پر گفتگو کرتے تھے کہ اسے کیسے محفوظ رکھیں۔ ابتدائی دنوں میں دھونی نہ صرف اپنے منفرد بلے بازی کے انداز بلکہ اپنے لمبے بالوں کے لئے بھی مشہور تھے۔
Published: undefined
انہوں نے کہا کہ مجھے یاد ہے کہ ہم کمرے کے فرش پر سوتے تھے کیونکہ کمرا چھوٹا تھا۔ ہم نے کمرے سے بیڈ باہر نکال دیا تھا اور زمین پر گدے بچھالئے تھے فرش پر سونے کا خوشگوار تجربہ رہا تھا۔
Published: undefined
ہندوستان کے سابق اوپنر گمبھیر نے کہا کہ ہم دونوں اس وقت نوجوان تھے۔ اس وقت دھونی نے بین الاقوامی کرکٹ میں ڈیبیو کیا تھا ۔ ہم دونوں ایک ساتھ کینیا گئے ، اس کے بعد زمبابوے میں ہندوستان اے کا دورہ کیا اور ایک ساتھ طویل عرصہ گزارا۔ لیکن جب آپ ڈیڑھ ماہ تک کسی کے ساتھ کمرہ شئیر کرتے ہیں تو آپ کو اس کے بارے میں بہت کچھ جاننے کا موقع ملتا ہے۔
Published: undefined
گوتم گمبھیر نے سابق کپتان دھونی کو انہیں ملنے والی ایک شاندار ٹیم کیلئے ‘خوش قسمت’ قرار دیا جس نے ان کی مدد کی اور آئی سی سی ورلڈ کپ کے دو خطاب ، ایک آئی سی سی چمپئنز ٹرافی اور ٹیسٹ کرکٹ میں نمبر ون رینکنگ حاصل کرنے میں مدد کی۔
Published: undefined
سوربھ گنگولی کو دھونی کی کامیابی کا سہرا دیتے ہوئے گمبھیر نے کہا کہ دھونی نے بی سی سی آئی کے موجودہ صدر کی سخت محنت کا فائدہ اٹھایا۔ اسٹار اسپورٹس شو کرکٹ کنکٹڈ میں بات چیت کرتے ہوئے گمبھیر نے کہا کہ دھونی بہت خوش قسمت کپتان رہے ہیں کیونکہ انہیں ہر فارمیٹ میں حیرت انگیز ٹیم ملی ہے۔
Published: undefined
ورلڈ کپ کی ٹیم 2011 کی کپتانی دھونی کے لئے بہت آسان تھی کیونکہ ہمارے پاس سچن تندولکر، وریندر سہواگ ، میں خود ، یوراج سنگھ ، یوسف پٹھان ، وراٹ کوہلی جیسے کھلاڑی موجود تھے لہذا انہوں نے بہترین ٹیمیں حاصل کیں ۔گنگولی کو اس کے لئے بہت محنت کرنی پڑی تھی اور اس کے نتیجے میں دھونی نے متعددٹرافی جیتیں۔
Published: undefined
دھونی ٹیسٹ کرکٹ میں ایسے کامیاب کپتان بننے کی وجہ ظہیر خان ہیں۔ وہ ایک بہت بڑی نعمت تھے جو دھونی کو ملے جس کا کریڈٹ گنگولی کو جاتا ہے۔ میرے مطابق ظہیر ہندوستان کے بہترین ورلڈ کلاس بولر رہے ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم
تصویر: سوشل میڈیا