سینٹرل زون 11 سال بعد دلیپ ٹرافی چمپئن، رجت پاٹیدار نے اپنی کپتانی میں جیتا ایک اور بڑا خطاب

سینٹرل زون نے پیر کو بنگلورو میں ساؤتھ زون کو 6 وکٹوں سے شکست دے کر 11 سال بعد دلیپ ٹرافی کا خطاب اپنے نام کر لیا ہے۔ دلچسپ بات یہ ہے کہ اسی سال اپنی کپتانی میں آر سی بی کو آئی پی ایل کا پہلی مرتبہ چمپئن بنانے والے رجت پاٹیدار نے یہاں بھی اپنا زور دکھاتے ہوئے سینٹرل زون کو تاریخی کامیابی دلائی۔

دوسری اننگز میں 65 رنوں کے معمولی ہدف کا پیچھا کرتے ہوئے سینٹرل زون کے ٹاپ آرڈر کے بلے بازوں کو بی سی سی آئی سینٹر آف ایکسلنس کے میدان پر 5ویں دن ٹوٹتی ہوئی پچ پر ساؤتھ زون کے گیند بازوں نے پریشان کیا۔ حالانکہ ہدف بڑا نہیں ہونے کی وجہ سے اس کا اثر سینٹرل زون پر نہیں پڑا۔

اکشے واڈکر (19 ناٹ آوٹ) اور پہلی پاری میں سنچری لگانے والے یش راٹھور (13 ناٹ) کریز پر تھے جب سینٹرل زون نے 20.3 اووروں میں 4 وکٹ کے نقصان پر 66 رن بناتے ہوئے دلیپ ٹرافی میں اپنا 7واں خطاب حاصل کیا۔ ساؤتھ زون کی بات کی جائے تو ٹیم کو دوسری پاری میں مشکل حالات میں بنائے گئے 426 رن اور آخری اننگز میں گیند بازو کی اچھی کارکردگی سے سکون ملا ہوگا۔

بائیں ہاتھ کے اسپنر انکت شرما نے دانش مالیور (5) کو آؤٹ کیا جبکہ ان کی گیند اسپن ہوتی ہوئی بلے کا کنارہ لے کر وکٹ کیپر محمد اظہر الدین کے ہاتھوں میں چلی گئی۔ اس کے بعد شرما نے سینٹرل زون کے کپتان رجت پاٹیدار کا وکٹ لیا جو جلدبازی میں سلاگ سویپ کھیل بیٹھے اور ایم ڈی ندھیش کے ہاتھوں مڈ آن پر کیچ آؤٹ ہو گئے۔ شوبھم شرما نے ساران جین (پلیئر آف دی سیریز) کا وکٹ نکال کر سینٹرل کیمپ میں کچھ بے چینی پیدا کی لیکن پلیئر آف دی میچ راٹھوڑ اور واڈکر نے بغیر اور نقصان کے سینٹرل زون کو ہدف تک پہنچا دیا۔

سینٹرل زون کو دلیپ ٹرافی چمپئن بنانے میں کپتان رجت پاٹیدار اور یش راٹھوڑ کا اہم کردار رہا۔ ساؤتھ زون کے 149 رنوں کے جواب میں ساؤتھ زون نے پہلی اننگز میں 500 سے زیادہ رن بنائے۔ پاٹیدار نے پہلی اننگز میں سنچری بنائی۔ انہوں نے 12 چوکوں اور 2 چھکوں کی مدد سے شاندار 101 رن بنائے۔ اس کے علاوہ یش راٹھور نے 194 رنوں کی شاندار پاری کھیلی۔ انہوں نے اپنی اننگ میں 17 چوکے اور 2 چھکے لگائے۔ اس کے علاوہ سارانش جین، دانش مالیوار کی نصف سنچری کی بدولت سینٹرول زون نے پہلی پاری میں 511 رنوں کا اسکور کھڑا کرتے ہوئے بڑی سبقت لینے میں کامیابی حاصل کی۔

سینٹرل زون کے کپتان رجت پاٹیدار نے پوسٹ میچ پرزنٹیشن میں کہا کہ ہر کپتان کو ٹرافی جیتنا اچھا لگتا ہے۔ ہمارے کھلاڑیوں نے پورے ٹورنامنٹ میں بہترین جذبہ دکھایا اور میں اس سے بہت خوش ہوں۔ یہاں وکٹ تھوڑا خشک تھا اس لیے ہم نے پہلے بلے بازی کا انتخاب کیا۔ مجھے دانش اور یش کے لیے خوشی ہے۔ انہوں نے پورے ٹورنامنٹ میں شاندار بلے بازی کی۔