مندی نہیں، معیشت سست ہے: سیتا رمن

نئی دہلی: وزیر خزانہ نرملا سیتا رمن نے معیشت کی بنیاد کو مستحکم بتاتے ہوئے بدھ کے روز راجیہ سبھا میں کہا کہ معیشت درست سمت پر گامزن ہے اور کسی کو اس سلسلے میں خوفزدہ ہونے کی ضرورت نہیں ہے۔ کیونکہ مندی نہیں بلکہ معیشت کی رفتار سست ہے۔

سیتا رمن نے ایوان میں ’ملک کی اقتصادی حالت‘ پر مختصر بحث کا جواب دیتے ہوئے کہا کہ حالیہ سہ ماہی میں معاشی ترقی کی شرح میں آئی گراوٹ کے تکنیکی اسباب ہیں اور معیشت کی بنیاد کافی مضبوط ہیں۔

وزیر خزانہ کے جواب سے غیر مطمئن کانگریس، ترنمول کانگریس، عام آدمی پارٹی اور بائیں بازو کی جماعتوں نے ایوان سے بائیکاٹ کیا۔ انہوں نے کہا کہ وزیر خزانہ اپنا موازنہ سابقہ حکومتوں سے کر رہی ہیں اور اصل سوالات کا جواب نہیں دے رہی ہیں۔

مرکزی وزیر نےکہا کہ اپوزیشن کو حکومت کے فیصلوں پر سوال اٹھانے اور الزام لگانے کے بجائے کی بجائے معیشت کو مضبوط کرنے میں تعاون کرنا چاہئے۔ معیشت کو رفتار دینے کے مقصد سے انہوں نے 32 اقدام اٹھائے ہیں جن کا وہ ہفتہ وار بنیادر پر جائزہ لے رہی ہیں۔ اور ان کا اثر زمینی سطح پر دکھائی دے رہا ہے۔

انہوں نے کہا کہ کچھ علاقوں میں زیادہ سستی ہے جس کا سبب مختلف ہے۔ آٹوموبائل سیکٹڑ کا ذکر کرتے ہوئے انہوں نے کہا کہ زیادہ تر کمپنیوں کی تیار کردہ گاڑیاں فروخت ہو چکی ہیں اور گریڈ 6 معیار کی وجہ کمپنیوں کو سرمایہ کاری اور پیداوار کم کرنی پڑی ہے۔ اب یہ شعبے بھی بہتری کے راستے پرآگے بڑھ رہے ہیں۔

انہوں نے کہا کہ بینکوں کو 70 ہزار کروڑ روپے دیئے گئے ہیں اور 10 بینکوں کا آپس میں انضمام کرکے چار بینک بنائے جا رہے ہیں۔ اس سے بینکوں کی صلاحیت بہتر ہو گی اور وہ بڑھتی ہوئی معیشت کی مانگ کو پورا کرنے کے قابل ہوں گے۔ بینکوں کے پاس لیکویڈیٹی کی کمی ہونے کے حزب اختلاف کے الزامات کو مسترد کرتے ہوئے انہوں نے کہا کہ تہواروں کے موسم میں بینکوں نے دو مرحلے میں قرض میلے پورے ملک میں منعقد کئے جن میں 2.50 لاکھ کروڑ روپے کے قرض تقسیم دیئے گئے۔ اس میں زرعی شعبے کو بھی قرض ملا ہے۔