پٹرول اور ڈیزل کے داموں میں آج اضافہ نہیں، قیمتیں بلند ترین سطح پر مستحکم

نئی دہلی: پٹرول اور ڈیزل کی قیمتیں آج ریکارڈ سطح پر مستحکم رہیں۔ اس سے قبل جمعہ کے روز قیمتوں میں اضافہ کیا گیا تھا۔ معروف آئل مارکیٹنگ کمپنی انڈین آئل کارپوریشن کے مطابق دہلی میں پٹرول کی قیمت 96.93 روپے اور ڈیزل کی قیمت 87.69 روپے فی لیٹر ہے۔

دہلی میں جون میں اب تک پٹرول کی قیمت 2.70 روپے اور ڈیزل کی قیمت 2.54 روپے بڑھ چکی ہے ۔ اس سے قبل مئی میں پٹرول 3.83 روپے اور ڈیزل 4.42 روپے مہنگا ہو تھا۔ ملک کے دوسرے شہروں میں بھی دونوں ایندھنوں کی قیمتوں میں بھی کوئی تبدیلی نہیں کی گئی۔

ممبئی میں پٹرول کی قیمت 103.08 روپے اور ڈیزل کی قیمت 95.14 روپے فی لیٹر رہی ۔ چنئی میں آج ایک لیٹر پیٹرول 98.14 روپے اور ڈیزل 92.31 روپے میں فروخت ہوا۔ کولکتہ میں پٹرول کی قیمت 96.84 روپے اور ڈیزل 90.54 روپے فی لیٹر پرمستحکم رہا ۔

پٹرول اور ڈیزل کی قیمتوں کا روزانہ جائزہ لیا جاتا ہے اور اسی بنیاد پرروزانہ صبح 6 بجے سے نئی قیمتیں لاگو ہو تی ہیں ۔

آج ملک کے چاربڑے شہروں میں پٹرول اور ڈیزل کی قیمتیں مندرجہ ذیل ہیں :

شہر ————— پیٹرول ————— ڈیزل

دہلی ————— 96.93 ———— 87.69

ممبئی ———— 103.08 ————— 95.14

چنئی ————— 98.14 ————— 92.31

کولکتہ ———— 96.84 ————— 90.54