سعودی کی دانیہ عقیل نے کار ریلی ورلڈ کپ میں تیسری پوزیشن حاصل کی

ریاض: سعودی ڈرائیور دانیہ عقیل نے باجا پولینڈ میں دوسرے اور آخری دن ڈیزرٹ کار ریلی ورلڈ کپ کے پانچویں راؤنڈ میں ’ٹی تھری‘ کیٹیگری میں تیسری پوزیشن حاصل کر لی۔ اس کیٹگری میں 44.22 کلومیٹر سفر طے کیا گیا۔

کویتی ریلی ریسر مشاری الظفیری نے پولینڈ میں اختتام پذیر ہونے والی ریس میں "ٹی تھری" کیٹیگری کی عمومی درجہ بندی میں پہلی پوزیشن حاصل کی۔ دانیہ نے ریس کے آغاز سے قبل پریس بیانات میں کہا تھا کہ پولینڈ میں اس کی شرکت ان کے پورے موٹرسپورٹ کیریئر میں تیسری ہے۔

العربیہ کے مطابق دانیہ نے وضاحت کی کہ اس نے پانچویں راؤنڈ میں شرکت کے لیے اچھی تیاری کی تھی جو پولینڈ میں تیز رفتار علاقوں کے لیے 387 کلومیٹر کے فاصلے کے ساتھ شروع ہوا تھا۔ پوری ریلی کے لیے کل 560 کلومیٹر کا فاصلہ طے کیا گیا تھا۔

سعودی ریلی کی ڈرائیور دانیہ عقیل کا شمار عرب دنیا کی نامور خواتین کار ریسرز میں ہوتا ہے کیونکہ انہوں نے آٹو موٹیو کی دنیا میں اپنے پورے کیریئر میں بہت سی کامیابیاں حاصل کی ہیں۔

دانیہ کا نام سعودی کھیلوں کی تاریخ میں پہلی سعودی، عرب اور بین الاقوامی ایسی خاتون کے طور پر جانا جاتا ہے جس نے ڈیزرٹ ریلی باجا چیمپئن شپ کے لیے ورلڈ کپ جیتا ہے۔