غزہ کی سرحد پر ٹریفک حادثے میں 12 اسرائیلی فوجی زخمی

اسرائیلی فوج نے اتوار کو اعلان کیا کہ غزہ کی پٹی کے ساتھ سرحد پر ایک "آپریشنل" ٹریفک حادثے میں 12 فوجی زخمی ہو گئے۔ زخمیوں میں سے دو کی حالت خراب ہے اور دیگر 10 کو معمولی چوٹیں آئی ہیں۔

اسرائیلی فوج نے ایک بیان میں وضاحت کی کہ یہ حادثہ دو فوجی ہمویوں کے درمیان تصادم کے نتیجے میں پیش آیا۔ حادثے میں کسی جھڑپ یا سکیورٹی کے پس منظر کی نشاندہی نہیں کی گئی۔

بیان میں مزید کہا گیا کہ زخمی فوجیوں کو علاج کے لیے اسپتالوں میں منتقل کردیا گیا اور ان کے اہل خانہ کو پیش رفت سے آگاہ کر دیا گیا۔ اسرائیلی فوج نے تصدیق کی ہے کہ حادثے کی وجوہات جاننے کے لیے تحقیقات شروع کر دی گئی ہیں۔ (بشکریہ نیوز پورٹل ’العربیہ ڈاٹ نیٹ، اردو‘)