اب ہر امریکی شہری اور فوجی ہمارا ہدف ہے: ایران کی دھمکی

امریکی صدر ڈونالڈ ٹرمپ نے قوم سے خطاب میں کہا کہ ایران کا جوہری پروگرام ختم کرنے کا مشن کامیاب رہا۔ انہوں نے کہا کہ جن ایٹمی اڈوں کو نشانہ بنایا گیا تھا وہ اب مکمل طور پر تباہ ہو چکے ہیں۔ امریکی صدر ڈونالڈ ٹرمپ نے ملک سے خطاب کیا ہے۔

ایران کے جوہری اڈوں پر امریکی حملے کے بعد ایران کے سرکاری ٹی وی (آئی آر آئی بی) کے ایک ماہر نے کہا ہے کہ اب اس علاقے میں موجود ہر امریکی شہری اور فوجی ہمارا ہدف ہے۔ ٹی وی چینل پر مشرق وسطیٰ میں امریکی فوجی اڈوں کا نقشہ بھی دکھایا گیا۔ تبصرہ نگار نے کہا کہ تم نے شروع کیا ہے، اب ہم اسے ختم کر دیں گے۔

اسرائیلی وزیراعظم بنجامن نیتن یاہو نے ایران کے جوہری اڈوں پر امریکی حملے کو جرات مندانہ اور تاریخی فیصلہ قرار دیا ہے۔ خبر رساں ادارے رائٹرز کے مطابق نیتن یاہو نے کہا کہ یہ قدم تاریخی ہے اور ڈونالڈ ٹرمپ کو اس رہنما کے طور پر یاد رکھا جائے گا جس نے دنیا کی خطرناک ترین حکومت کو خطرناک ترین ہتھیار حاصل کرنے سے روکا۔

ایران کی اٹامک انرجی آرگنائزیشن جلد ہی امریکہ کی جانب سے ایران کی جوہری تنصیبات پر حملوں کے حوالے سے ایک باضابطہ بیان جاری کر سکتی ہے۔ اس بیان کے ذریعہ جوہری تنظیم یہ معلومات دے گی کہ امریکی حملوں میں اس کی تنصیبات کو کتنا نقصان پہنچا۔